ބުރާސްފަތި ދުވަހު ކޮވިޑަށް ޕޮޒިޓިވްވީ 16 މީހުން، އެކްޓިވް ކޭސްތަކުގެ އަދަދު ދަށަށް
17 ޑިސެމްބަރު 2020 | ބުރާސްފަތި 17:24ގްރޭޓަރ މާލެ ސަރަަހައްދުން ވައިރަހަށް ޕޮޒިޓިވްވެފައިވަނީ 11 މީހެއް
މާލޭގައި ރޭންޑަމް ސާމްޕަލް ނެގުމަށް އާރުއާރުޓީ އިން ހަރަކާތްތެރިވަނީ
ބުރާސްފަތި ދުވަހު ކޮވިޑަށް ޕޮޒިޓިވްވީ 16 މީހުން ކަމަށް ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ހާމަކޮށްފިއެވެ.
އެޗްޕީއޭއިން ޢާންމުކުރި ތަފާސްހިސާބުތައް ދައްކާގޮތުން ބުދަ ދުވަހުގެ 18:00 އިން ފެށިގެން ބުރާސްފަތި ދުވަހުގެ 18:00އާ ހަމައަށް ގްރޭޓަރ މާލެ ސަރަަހައްދުން ވައިރަހަށް ޕޮޒިޓިވްވެފައިވަނީ 11 މީހެކެވެ. އަދި އަތޮޅު ތެރެއިން އެކަކު ޕޮޒިޓިވްވެފައިވާ ކަމަށް ވެސް ތަފާސްހިސާބުތަކުން ދައްކައެވެ.
ބުރާސްފަތި ދުވަހު ރާއްޖެއިން ކޯވިޑް-19 ބަލިން ރަނގަޅުވެފައި ވަނީ 26 މީހުންނެވެ. މިއާއެކު ރާއްޖެއިން ކޯވިޑް-19އަށް ޕޮޒިޓިވްވި މީހުންގެ ތެރެއިން 12828 މީހުން ވަނީ ބަލިން ރަނގަޅުވެފައެވެ. މިހާރު ކޯވިޑް-19ގެ އެކްޓިވް ކޭސްތަކުގެ ޢަދަދަކީ 535 އެވެ.
މިބަލީގައި އެޑްމިޓްކޮށްގެން މިހާރު ފަރުވާދެމުންގެން ދަނީ 48 މީހުންނެވެ. ފާއިތުވި 24 ގަޑިއިރުގެ ތެރޭގައި ކޯވިޑް-19އަށް ޓެސްޓްކުރުމަށްޓަކައި ރާއްޖޭގައި 3،171 ސާމްޕަލެއް ވަނީ ނަގާފައެވެ. މިއާއެކު ރާއްޖެއިން މިބަލި ދެނެގަތުމަށް 280،377 ސާމްޕަލް ވަނީ ނަގާފައެވެ. ރާއްޖޭގައި ކޯވިޑް-19 ޖެހުނު މީހުންގެ ތެރެއިން، މިހާތަނަށް 48 މީހުން ވަނީ ނިޔާވެފައެވެ. އެއީ 40 ދިވެހިންނާއި، 8 ބިދޭސީންނެވެ.
