އަފްގާނިސްތާނުގެ ކެޕިޓަލް ސިޓީ ކާބުލްއަށް ދިން ބޮމުގެ ހަމަލާއެއްގައި އެސިޓީ ޑެޕިއުޓީ ގަވަރުނަރު މަރުވެއްޖެއެވެ.
އަންގާރަ ދުވަހު ހިނގި މިހާދިސާއާ ގުޅޭގޮތުން ސެކިއުރިޓީ އޮފިޝަލުންނާއި ހަވާލާދީ އަލްއަރަބިއްޔާގައި ރިޕޯޓުކޮށްފައިވަނީ ގަވަރުނަރު މަހުބޫބުﷲ މޮހެއްބިގެ ކާރުގައި ބޮމެއް ހަރުކޮށްފައިވާ ކަމަށެވެ.
ރިޕޯޓުތައް ބުނާ ގޮތުން ޑެޕިއުޓީ ގަވަރުނަރު ދަތުރު ކުރަމުންދިޔައީ ސެކިއުރިޓީ ގަރޑުންނާއެކުއެވެ. އަދި މިގޮވުމާއެކު ދެ ބޮޑީ ގަރޑަކަށް ސީރިއެސް އަނިޔާތަކެއް ލިބިފައިވާ ކަމަށެވެ. މިހަމަލާގެ ޒިންމާ މިހާތަނަށް އެއްވެސް ބަޔަކު ނަގާފައެއް ނުވެއެވެ.
ބޮމުގެ ހަމަލާއެއްގައި ޑެޕިއުޓީ ގަވަރުނަރު މަރާލާފައިވާއިރު، މިދިޔަ ހަފްތާގެ ތެރޭގައި އަފްގާނިސްތާނުގެ ޕްރޮސެކިއުޓަރ ވަޒީފާއަށް ދިޔަ މަގުމަތީގައި ދިން ބަޑީގެ ހަމަލާގައި ވަނީ މަރާލާފައެވެ.
