އޮކްސިޖަން ލިބުން ލަސްވެ، ޕާކިސްތާނުން 6 މީހަކު މަރުވެއްޖެ

ޕާކިސްތާނުގައި ކޮވިޑް-19 ޖެހިފައިވާ ހަ މީހަކަށް އޮކްސިޖަން ލިބުން ލަސްވުމާ ގުޅިގެން މަރުވެއްޖެއެވެ.

ޕާކިސްތާނުގެ ހުޅަނގު އުތުރުގައިވާ ހޮސްޕިޓަލެއްގައި ކޮވިޑް-19 އަށް ފަރުވާ ހޯދަމުންދިޔަ ހަ މީހަކު މަރުވެފައި މިވަނީ އެ ގައުމުގައި މި ކޮވިޑް ޖެހޭ މީހުން ގެ އަދަދު އިތުރުވެ، ދެވަނަ ރާޅަކާ ހަނގުރާމަކުރަން ޖެހިފައިވާ ދަނޑިވަޅެއްގައެވެ.

ޕާކިސްތާނުގެ އޮފިޝަލަކާ ހަވާލާދީ މީޑިއާތަކުގައި ރިޕޯޓްކޮށްފައިވާ ގޮތުގައި، ހޮސްޕިޓަލުގައި ތިބި 200 އެއްހާ މީހުންގެ ތެރެއިން ކޮވިޑް-19 ޖެހިފައިވާ 100 އެއްހާ މީހުންނަށް އޮކްސިޖަން ނުލިބި ފަރުވާ މަޑުޖައްސާލަން ޖެހުން ކަމަށެވެ.

ޕްރޮވިންޝަލް ހެލްތް މިނިސްޓަރ ތައިމުރް ސަލީމް ވިދާޅުވީ މި ހިތާމަވެރި ހާދިސާ ހިނގަން މެދުވެރިވީ އެ ހޮސްޕިޓަލަށް އޮކްސިޖަން ލިބުމުގައި ދަތިތަކެއް ކުރިމަތިވެގެން ކަމަށެވެ. އަދި މި މައްސަލައިގެ އެންމެ ފުނަށް ފީނާ، މައްސަލަ ދިމާވާން މެދުވެރި ވި ސަބަބާ މިކަމުގައި ޒިންމާވާން ތިބި އެންމެހާ ފަރާތްތަކާއި ފިޔަވަޅު އަޅަންޖެހޭ ފަރާތްތައް ބެލުމަށްމަހު ފިޔަވަޅު އަޅާނެ ކަމަށްވެސް މިނިސްޓަރ ވިދާޅުވިއެވެ.

އެ ހޮސްޕިޓަލުގެ ސްޕޯކްސްމެން ފަރްހާދް ޚާން ވިދާޅުވެފައިވަނީ އޮކްސިޖަން ސަޕްލައި ކުރީ ޕްރައިވެޓް ފަރާތަކުން ކަމަށެވެ. އަދި އެ މީހުންނަށް އެ ހޮސްޕިޓަލުން އެދިފައިވާ ވަގުތަށް، ބުނެފައިވާ މިންވަރަށް އޮކްސިޖަން ފުޅިތައް ގެނަސްދެވިފައި ނުވާކަމަށްވަނީ ބުނެފައެވެ.