މާލޭގައި ދުއްވާފައި ދިޔަ ކާރެއްގައި ރޯވެއްޖެއެވެ.
ރޯވެފައިވަނީ ގ. މަޖުދުއްދީން ދަނާލު ކުރިމަތިން ދުއްވާފައިދިޔަ ކާރެއްގައިކަމަށް މޯލްޑިވްސް ނެޝަނަލް ޑިފެންސް ފޯސްއިން (އެމްއެންޑީއެފް) ވަނީ ބުނެފަ އެވެ.
މިހާދިސާ ހިނގާފައި ވަނީ ބުރާސްފަތި ދުވަހުގެރޭ ގަޑިން 19:10 ހާއިރުއެވެ. އެމްއެންޑީއެފް ފަޔަރ އެންޑް ރެސްކިއުއިންވަނީ ރޯވި އަލިފާންގަނޑު 19:18 ހާއިރު ނިއްވާލާފައި ކަމަށް އެމްއެންޑީއެފުން ބުންޏެވެ.
ހާދިސާ ހިނގި ވަގުތު އެތަނުގައި ހުރި ފަރާތެއް ރާއްޖެ އެމްވީއަށް މައުލޫމާތު ދެމުން ބުނީ އެހާދިސާ ހިނގި ވަގުތު ކާރު ދުއްވަން އިން ޑްރައިވަރު ފިޔަވާ އިތުރު ފަރާތެއް ކާރުގައި ނެތް ކަމަށާއި ޑްރައިވަރަށް ކާރުގެ އިންޖީނުގައި ރޯވެފައި ހުރިތަން ފެނި ކަންމަތިގައި ކާރު މަޑުކޮށް ކާރުން ފެއިބި ކަމަށެވެ.
