ދައުލަތުން ނަގާ ދަރަނީގެ ކުއަރޓަރލީ ރިޕޯޓެއް މަޖިލިހަށް ފޮނުވަންޖެހޭ ގޮތަށް ފާސްކޮށްފި
30 ނޮވެމްބަރު 2020 | ހޯމަ 10:08މި ރިޕޯޓަށް ދެ ރެކޮމެންޑޭޝަނެއް އިތުރު ކުރުމަށް ހުށައަޅުއްވި
ފިނޭންސް މިނިސްޓަރ ރައްޔިތުންގެ މަޖިލީހުގައި
ދިވެހި ދައުލަތުން ނަގާ ލޯނާއި، ދޫކުރާ ސުކޫކްތަކުގެ ތަފްސީލްތައް ހިމެނޭ ކުއަރޓަރލީ ރިޕޯޓެއް މަޖިލީހަށް ފޮނުވަންޖެހޭ ގޮތަށް އަންނަ އަހަރަށް ލަފާ ކުރާ ދައުލަތުގެ ބަޖެޓު ދިރާސާކޮށް އެކުލަވާލި ކޮމިޓީ ރިޕޯޓަށް ހުށައެޅި އިސްލާހު ފާސްކޮށްފިއެވެ.
ގަލޮޅު އުތުރު ދާއިރާގެ މެމްބަރު އީވާ އަބްދުﷲ ވަނީ މި ރިޕޯޓަށް ދެ ރެކޮމެންޑޭޝަނެއް އިތުރު ކުރުމަށް ހުށައަޅުއްވާފައެވެ.
ކޮމިޓީ ރިޕޯޓަށް ހުށައެޅުނު ރެކޮމެންޑޭޝަންތައް:
ހުށައެޅުއްވުންތަކާއި ގުޅިގެން ބަހުސް މަރުހަލާގައި ވާހަކަދައްކަވަމުން އީވާ ވިދާޅުވީ ރައްޔިތުންގެ މަޖިލީހަކީ ސަރުކާރަށް ފާރަވެރިވާން ޖެހޭ ތަނެއް ކަމަށާއި، އަދި މިފަދަ މައުލޫމާތުތަކަކީ މަޖިލީހުން ހޯދަން ޖެހޭ މައުލޫމާތު ކަމަށެވެ. އަދި އީވާ ވިދާޅުވީ މިއީ މަޖިލީހުގެ މިފަދަ ކަމެއް ކުރިއަށްދާނަމަ މަޖިލީހުގެ މާލިއްޔަތު ކޮމިޓީއަށް އެނގެން ޖެހޭ ކަމަށް، އަދި މި ސުކޫކް ވިއްކުމަކީ އާމްދަނީއާއި ގުޅިފައިވާ ކަމަކަށްވާއިރު މިފަދަ މައުލޫމާތު އެނގުމަކީ ވަރަށް މުހިއްމު ކަމެއް ކަމަށެވެ
މެމްބަރު ދެއްކެވި ވާހަކައަށް ތާއީދުކުރައްވާ ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވީ މިފަދަ މައުލޫމާތުތައް އެނގުން މުހިއްމުވަނީ ހިސާބު ޖަހާ، ނުކުންނާނެ ނަތީޖާއެއް ދެނެގަތުމަށްޓަކައި ކަމަށެވެ.
އަންނަ އަހަރަށް ލަފާ ކުރާ ދައުލަތުގެ ބަޖެޓު ދިރާސާކޮށް އެކުލަވާލި ކޮމިޓީ ރިޕޯޓު ފާސްކޮށްފައިވަނީ މި ރެކޮމެންޑޭޝަންތަކާއި އެކުއެވެ.
ރައީސް އަބްދުﷲ ޔާމީނުގެ ވެރިކަމުގައި ނަގާފައިވާ ލޯނުތަކާއި ދައުލަތުގެ ނަމުގައި ދީފައިވާ ގެރެންޓީތަކާއި ގުޅޭ ކަންކަމުގެ މައުލޫމާތު ހޯދައިގެން ރައްޔިތުންގެ މަޖިލީހުން ދާދިފަހުން ވަނީ ސަރުކާރުން ދޭދޭ ގައުމުތަކުން ނަގާފައިވާ ދަރަންޏާއި ބައިނަލްއަގްވާމީ ޖަމިއްޔާ ޖަމާއަތްތަކުން ނަގާފައިވާ ދަރަނި ފިޔަވައި އެހެން ދަރަނި ރީސްޓްރަކްޗަރ ނުވަތަ ރީ-ޕްރޮފައިލްކުރުމުގެ މަސައްކަތް ސަރުކާރާއި އެމްއެމްއޭއިން ލަސްނުކޮށް ފެއްޓުމަށް ދެންނެވުމަށް ނިންމާފައެވެ.
