މިއަދު ކޮވިޑަށް ޕޮޒިޓިވްވީ 30 މީހުން
ރާއްޖެއިން މިހާތަނަށް 11،599 މީހުން ވަނީ މިބަލިން ރަނގަޅުވެފައި
ކޮވިޑް-19 އަށް ރޭންޑަމް ސާމްޕަލިންގ ނަގަމުންދަނިކޮށް
ފާއިތުވެދިޔަ 24 ގަޑީއިރު ތެރޭގައި ރާއްޖެއިން ކޮވިޑަށް ޕޮޒިޓިވްވީ 30 މީހުން ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނެފިއެވެ.
އެޗްޕީއޭއިން ބުނީ ހޮނިހިރު ދުވަހުގެ އިރުއޮއްސި 06:00 އިން ފެށިގެން އާދީއްތަ ދުވަހުގެ އިރުއޮއްސި 06:00 އާއި ހަމައަށް 1،763 މީހުން ކޮވިޑަށް ޓެސްޓު ކޮށްފައިވާ ކަމަށާއި، އޭގެ ތެރެއިން 30 މީހުން ކޮވިޑަށް ޕޮޒިޓިވްވެފައިވާ ކަމަށެވެ.
އެޗްޕީއޭއިން ބުނީ ޕޮޒިޓިވްވި މީހުންގެ ތެރެއިން 27 މީހުންނަކީ މާލޭ ސަރަހައްދުން ޕޮޒިޓިވްވި މީހުން ކަމަށާއި، އަދި 3 މީހުން ޕޮޒިޓިވްވީ އަތޮޅުތެރެއިން/ ރިސޯޓު ތަކުން ކަމަށެވެ.
އެޗްޕީއޭއިން ބުނީ ޕޮޒިޓިވްވި މީހުންގެ ތެރެއިން 22 މީހުންނަކީ ދިވެހިން ކަމަށާއި، އަދި 8 މީހުންނަކީ ބިދޭސީން ކަމަށެވެ.
އިތުރު 30 މީހުން ކޮވިޑަށް ޕޮޒިޓިވްވުމާއިއެކު، ރާއްޖެއިން މިހާތަނަށް ކޮވިޑަށް ޕޮޒިޓިވްވި މީހުންގެ އަދަދު މިވަނީ 12،608 އަށް އަރައިފައެވެ. އަދި އެކްޓިވް ކޭސްތަކުގެ އަދަދަކީ 956 އެވެ.
ރާއްޖެއިން މިހާތަނަށް 11،599 މީހުން މިބަލިން ރަނގަޅުވެފައިވާއިރު މި ބަލީގައި 46 މީހަކު ވަނީ ނިޔާވެފައެވެ.
