ދެކުނުގެ ބައެއް އަތޮޅުތަަކަށް ވައިޓް އެލަރޓް ނެރެފި
15 ނޮވެމްބަރު 2020 | އާދީއްތަ 01:47ވައިޓް އެލާޓްގައި ބުނެފައި ވަނީ ހޮނިހިރު ދުވަހުގެ ރޭ ފަތިހު 4:40 އިން 9:00 އަށް
ކަނޑުގަދަ ދުވަހެއްގެ މަންޒަރު ދައްކުވައިދޭ ފޮޓޯއެއް
އދ އަތޮޅުން ފެށިގެން އައްޑޫ ސިޓީއަށް މޫސުމާބެހޭ ގައުމީ އިދާރާއިން ވައިޓް އެލަރޓް ނެރެފި އެވެ.
މޫސުމާ ބެގޭ ގައުމީ އިދާރާއިން ނެރެފައިވާ ވައިޓް އެލަރޓްގައި ބުނެފައި ވަނީ ހޮނިހިރު ދުވަހުގެ ރޭ ފަތިހު 4:40 އިން 9:00 އަށް ބޯކޮށް ވާރޭ ވެހުމާއެކު ގުގުރުން އެކަށީގެންވާ ކަމަށެވެ.
އަދި ވިލާގަނޑުގައި ގަޑިއަކު 40 މޭލަށް ވައިދަގަވާނެ ކަމަށް ލަފާކުރެވޭ ކަމުގައިވެސް މި އެލަރޓްގައި ބުނެފައިވެ އެވެ.
މި ދުވަސްވަރަކީ މުޅި ރާއްޖެއަށްވެސް ވިއްސާރަކޮށް މޫސުން ގޯސް ދުވަސްވަރަކަށްވުމާއެކު މެޓް އޮފީހުން އަންނަނީ ރާއްޖޭގެ އެކި ސަރަހައްދުތަކަށް މޫސުމާ ބެހޭ އެލަރޓްތައް ނެރެމުންނެވެ. އެގޮތުން ހޮނިހިރު ދުވަހު އެކި ހިސާބުތަކަށް ވައިޓް އެލަރޓް ނެރެފައެވެ.
މޫސުން ކުރިއަށް ލަފާކޮށް މެޓް އޮފީހުން ބުނީ، ރާއްޖޭގެ ބައެއް އަތޮޅުތަކަށް ވިއްސާރަކުރުމާއެކު ގުގުުރާނެ ކަމަށާއި އަދި ރާއްޖޭގެ ބޮޑު ބަޔަކަށް ބޯކޮށް ވާރޭވެހުން އެކަށީގެންވާ ކަމަށެވެ.
ދެކުނުގެ އަތޮޅުތަކަށް ހުޅަނގުއުތުރާއި އުތުރުން، އެހެން ހިސާބުތަކަށް އުތުރާއި އިރު އުތުރުން، ގަޑިއަކު 8 މޭލާއި 18 މޭލާ ދެމެދުގެ ބާރު މިނުގައި ވައި ޖެހޭނެ ކަމަށް މެޓް އޮފީހުން ބުންޏެވެ. އަދި ވިލާގަނޑުގައި ގަޑިއަކު ގާތްގަނޑަކަށް 40 މޭލަށް ވައި ގަދަވުން އެކަށީގެންވާ ކަމަށް ވެސް މެޓް އޮފީހުން ބުންޏެވެ.
