އަތޮޅު ތެރޭގައި ކޮވިޑުގެ 19 އެކްޓިވް ކޭސް
10 ނޮވެމްބަރު 2020 | އަންގާރަ 08:1414 ރަށެއްގައި އެކްޓިވް ކޭސް އެބަހުރި
އާރުއާރުޓީން ކޮވިޑުގެ ސާމްޕަލް ނެގުމަށް ހަރަކާތްތެރިވަނީ
އަތޮޅު ތެރޭގައި 19 މީހަކު މިވަގުތު ކޮވިޑް-19 އަށް ފަރުވާހޯދަމުންދާ ކަމަށް ހެލްތު ޕްރޮޓެކްޝަން އޭޖެންސީން ބުނެފިއެވެ.
ހޯމަ ދުވަހު އެޗްޕީއޭއިން އާއްމުކުރި ތަފާސްހިސާބުތަކުން ދައްކާގޮތުގައި 14 ރަށެއްގައި 19 އެކްޓިވް ކޭސްއެއް އެބަހުއްޓެވެ. އޭގެ ތެރޭގައި ހިމެނެނީ 5 ދިވެހިންނާއި 14 ބިދޭސީންނެވެ.
ގިނަ ރަށްރަށުން ޕޮޒިޓިވްވެފައިވާ މީހުންނަކީ މާލެ ސަރަހައްދުން ރަށަށް ގޮސް ފުރަބަންދުވެގެން ތިބި މީހުންނެވެ. އަދި ބައެއް ކޭސްތަކަކީ އެ ރަށަކުން ފުރާއިރު ނަގާ ސާމްޕަލްގެ ނަތީޖާ ޕޮޒިޓިވްވެފައިވާ ކޭސްތަކެވެ.
އެންމެ ގިނަ އެކްޓިވް ކޭސް މި ވަގުތު ހުރީ މާފުށީގައެވެ. މާފުށީގައި 5 އެކްޓިވް ކޭސް ހުރި ކަމަށް އެޗްޕީއޭގެ ތަފާސްހިސާބުތަކުން ދައްކައެވެ. އެޗްޕީއޭއިން ބުނީ މި ފަސް މީހުންނަކީ ބިދޭސީން ކަމަށެވެ.
މީގެއިތުރުން ބ. ތުޅާދޫގައި 2 އެކްޓިވް ކޭސްއެއް ހުރިއިރު، އެއީ ދެ ބިދޭސީންނެވެ. ބާކީ އެކްޓިވް ކޭސްތައް ހުރި 12 ރަށުގައި މި ވަގުތު ކޮވިޑަށް ފަރުވާ ހޯދަމުންދަނީ ކޮންމެ ރަށަކުން އެއްމެ މީހެކެވެ.
