ބީއެމްއެލް އިން ކެންސަރ ސޮސައިޓީއަށް އެހީގެ ގޮތުގައި 150،000 ރުފިޔާ ހަދިޔާ ކޮށްފި
9 ނޮވެމްބަރު 2020 | ހޯމަ 04:49މި ފައިސާ ކެންސަރ ސޮސައިޓީއާ ހަވާލު ކޮށްފައިވަނީ ބޭންކުގައި ބޭއްވި ރަސްމިއްޔާތެއްގެ ތެރެއިން
މި ފައިސާ ކެންސަރ ސޮސައިޓީއާ ހަވާލު ކޮށްދެއްވާފައި ވަނީ ބޭންކުގެ ސީއީއޯ ގެ އިތުރުން މެނޭޖިން ޑިރެކްޓަރު
ބޭންކް އޮފް މޯލްޑިވްސް (ބީއެމްއެލް) އިން ކެންސަރ ސޮސައިޓީއަށް އެހީގެ ގޮތުގައި 150،000 ރުފިޔާ ހަދިޔާކޮށްފި އެވެ.
އާދީއްތަ ދުވަހު ބޭންކުގައި ބޭއްވި ރަސްމިއްޔާތެއްގެ ތެރެއިން މި ފައިސާ ކެންސަރ ސޮސައިޓީއާ ހަވާލު ކޮށްދެއްވާފައި ވަނީ ބޭންކުގެ ސީއީއޯ ގެ އިތުރުން މެނޭޖިން ޑިރެކްޓަރު ޓިމް ސޯޔާ އެވެ.
ބީއެމްއެލް އިން ދީފައިމިވާ އެހީ އަކީ އުރަމަތީގެ ކެންސަރަށް މީހުން ހޭލުންތެރި ކުރުވުމުުގެ ގޮތުން ކެންސަރ ސޮސައިޓީން ބާއްވާ "ޕިންކް ރިބަން ރަން- ވޯކް" އަށް ދީފައިވާ އެހީއެކެވެ.
އުރަމަތީގެ ކެންސަރަށް މީހުން ހޭލުންތެރި ކުރުވުމަށް ކެންސަރ ސޮސައިޓީން ކޮންމެ އަހަރަކު ވެސް "ޕިންކް ރިބަން ރަން- ވޯކް" ބާއްވަވަމުން އަންނަ އިރު މިއަހަރު މި ވޯކް ބާއްވާފައިވަނީ ވަރޗުއަލް ކޮށެވެ. އެގޮތުން މިއަހަރުގެ "ޕިންކް ރިބަން ރަން- ވޯކް" ގައި 700 އެއްހާ މީހުން ވަނީ ބައިވެރިވެފަ އެވެ.
މި ރަސްމިއްޔާތަށް ފަހު ބޭންކުގެ ސީއީއޯ ގެ އަދި މެނޭޖިން ޑިރެކްޓަރު ޓިމް ސޯޔާ ވަނީ އުރަމަތީގެ ކެންސަރަށް ފަރުވާ ހޯދައި ރަނގަޅުވެފައިވާ މީހުންގެ އިތުރުން ކެންސަރ ސޮސައިޓީގެ ބައެއް މެމްބަރުންނާ ވެސް ބައްދަލު ކުރައްވާފަ އެވެ. އަދި މީގެ އިތުރުންވެސް އޭނާ ވަނީ މިހާރުވެސް ފަރުވާ ހޯދަމުން އަންނަ ބައެއް ފަރާތްތަކަާ ވެސް ބައްދަލު ކުރައްވާފަ އެވެ.
މީގެ އިތުރުން ވެސް މި ބައްދަލުވުމުގެ ތެރެއިން ކެންސަރު ބަލިން ރަނގަޅުވި ފަރާތްތަކުން ވަނީ ކެންސަރާ ހަނގުރާމަކޮށް ކާމިޔާބު ހޯދުމުގައި އެ މީހުން ކުރަން ޖެހުނު ހިތްވަރާ، ކެރިގެން އެކަމާ ކުރިމަތިލުމާއި އުއްމީދާ އެކު މަސައްކަތްކުރުމުގެ މުހިންމުކަމާ ގުޅޭ ގޮތުން ވާހަކަ ދެއްކުމަށްފަހު އެމީހުންގެ ތަޖުރިބާ ހިއްސާކޮށްފަ އެވެ.
2016 ވަނަ އަހަރުން ފެށިގެން ބީއެމްއެލް އިން ދަނީ އިޖްތިމާއި ޒިންމާގެ ދަށުން ކެންސަރ ސޮސައިޓީއަށް އެހީތެރިވަމުންނެވެ.
