2021 ވަނަ އަހަރަށް ލަފާކުރާ ބަޖެޓު ހުށައެޅުން މާދަމާ
މި ބަޖެޓު މަޖިލީހަށް ފޮނުވާފައިވަނީ އޮކްޓޯބަރު މަހުގެ 31 ވަނަ ދުވަހު
ފިނޭންސް މިނިސްޓަރ އިބްރާހިމް އަމީރު
2021 ވަނަ އަހަރަށް ލަފާކުރާ ދައުލަތުގެ ބަޖެޓު ހުށައެޅުމަށް ހޯމަ ދުވަހުގެ ޖަލްސާއަށް އެޖެންޑާކޮށްފިއެވެ.
ހޯމަ ދުވަހު އަންނަ އަހަރަށް ލަފާކުރާ ދައުލަތުގެ ބަޖެޓު ހުށަައަޅުއްވާނީ ފިނޭންސް މިނިސްޓަރ އިބްރާހިމް އަމީރުއެވެ. މި ބަޖެޓު މަޖިލީހަށް ފޮނުވާފައި ވަނީ އޮކްޓޯބަރު މަހުގެ 31 ވަނަ ދުވަހުއެވެ.
ބަޖެޓު ހުށައަޅާ ނިމުމުން ކޮންމެ މެމްބަރަކަށް ބަހުސް ކުރުމަށް 15 މިނެޓު ލިބިގެންދާނެ ކަމަށް ރައްޔިތުންގެ މަޖިލީހުގެ ރައީސް ވަނީ ވިދާޅުވެފައެވެ.
މި އަހަރަށް ރައްޔިތުންގެ މަޖިލީހުން ފާސްކުރީ 37.8 ބިލިއަން ރުފިޔާގެ ބަޖެޓެކެވެ. އެހެން ނަމަވެސް ކޮވިޑް-19 އާ ގުޅިގެން މި އަހަރަށް ލަފާކޮށް ރައްޔިތުންގެ މަޖިލީހުން ފާސްކުރި ދައުލަތުގެ ބަޖެޓު އަލުން މުރާޖައާކޮށް މަޖިލީހަށް ވަނީ ހުށަހަޅާފައެވެ.
މީގެއިތުރުން ހޯމަ ދުވަހަށް އިންޝުއަރެންސްގެ ބިލާއި ކޮމިޓީތަކުން ހުށައަޅާ ކަންކަމުގެ ދަށުން ވަނީ އިމިގްރޭޝަންގެ ބިލުގެ ރިޕޯޓު ހުށައެޅުން ވެސް އެޖެންޑާކޮށްފައެވެ.
