ގާސިމްގެ އިސްތިއުނާފު މައްސަލައިގެ އަޑުއެހުން ސިއްރެއް ނުކުރި
23 އެޕްރީލު 2017 | އާދީއްތަ 11:03ގާސިމް ހައްޔަރުކޮށްފައިވަނީ، މިދިޔަ ބުރާސްފަތު ދުވަހު
ގާސިމް ފުލުހަށް ހާޒިރު ކުރަނީގާސިމްގެ އިސްތިއުނާފު މައްސަލައިގެ އަޑުއެހުން ސިއްރެއް ނުކުރި
ޖުމްހޫރީ ޕާޓީގެ ލީޑަރު ގާސިމް އިބްރާހިމް ހައްޔަރުކުރި މައްސަލާއިގެ އިސްތުއުނާފު އަޑުއެހުން ސިއްރެއް ނުކުރި އެވެ.
މިދިޔަ ހަފްތާގެ ބުރާސްފަތި ދުވަހުގެ ރޭ 12:20 ހާއިރު ގާސިމް ހައްޔަރުކޮށްގެން ދޫނިދޫ އަށް ގެންދިޔަ މަސައްލައާއި ގުޅިގެން ގާސިމްގެ ގާނޫނީ ވަކީލުންގެ ޓީމުން ވަނީ ގާސީމް ހައްޔަރުކޮށް ބަންދުކުރި މައްސަލަ އިސްތިއުނާފު ހައިކޯޓުގައި އިސްތިއުނާފުކޮށްފަ އެވެ.
ގާސިމް ކުއްލިގޮތަކަށް ދޫނިދޫއަށް ގެންގޮސްފަ ބަންދުކުރެވުނު އިރު އޭނާ ހައްޔަރުކުރީ ޕްރޮސެކިއުޓަރ ޖެނެރަލް އައިޝަތު ބިޝާމް ކްރިމިނަލް ކޯޓުގައި އެދިވަޑައިގަތުމުންނެވެ. މިދިޔަ ހުކުރު ދުވަހު ވަނީ ކްރިމިނަލް ކޯޓުން ގާސިމްގެ ބަންދުގެ މުއްދަތު 15 ދުވަހަށް އިތުރުކޮށްފަ އެވެ.
ގާސިމް ހައްޔަރުކޮށްފައިވަނީ ރިޝްވަތޭން މަސައްކަތްކުރިކަމުގެ އެހެން ތުހުމަތެއްގައި ހައްޔަރުކޮށް ކުރުމަށްފަހު ދޫކޮށްލާފައިވަނިކޮށެވެ. އެހެން ނަމަވެސް ގާސިމް ހައްޔަރުކުރުމުގައި ފުރިހަމަ ކުރަންޖެހޭ އިޖުރާއަތްތައް ފުރިހަމަނުވާތީ، ގާސިމް ހައްޔަރު ކުރުމުގެ ތެރެއިން ފުލުހުންކޮށްފައިވާ ހުރިހާ ކަމެއް ބާތިލް ވާނެ ކަމަށް ހައިކޯޓުން އޭރު ކަނޑައެޅި އެވެ. އެދުވަހު އެ މައްސަލަ ވަނީ ސިއްރުކޮށްފަ އެވެ.
އެހެން ނަމަވެސް މިއަދުގެ އިސްތިއުނާފު އަޑުހެމަށް މީޑިޔާ މީހުންނަށާއި ޤާސިމްގެ ވަކީލުންނަށް ވެސް ވަދެވެ އެވެ.
ގާސިމްގެ ހައްޔަރާއި ގުޅިގެން ޖުމްހޫރީ ޕާޓީން ނެރެފައިވާ ބަޔާނުގައިވަނީ ގާސިމް ކުށްލިގޮތަކަށް ހަށްޔަރު ކުރީ ކުރިންވެސް ތުހުމަތު ކުރެވުނުފަދަ އެއްވެސް އަސާސެއް ނެތް ތުހުމަތުތަކެއް ކުރައްވާފައިވާ މައްސަލައެއްގައި ކަމަށެވެ.
ގާސިމް ހައްޔަރުކުރުމުގެ ކުރިން ފުލުހުން ވަނީ، ކޯޓު އަމުރެއްގެ ދަށުން އޭނާގެ ފޯނު ވެސް އަތުލާފަ އެވެ.
