ކޮވިޑް-19: ނިޔާވި ޑޭވިޑް އަންދަލް، ދަކޯޓާގެ ގާނޫނު ހަދާ މަޖިލީހުގެ އިންތިޚާބު ކާމިޔާބު ކޮށްފި
5 ނޮވެމްބަރު 2020 | ބުރާސްފަތި 16:54ނިޔާވީ ހޮސްޕިޓަލްގައި ފަރުވާ ހޯދަމުންދަނިކޮށް
ރިޕަބްލިކަން ޕާޓީގެ ކެންޑިޑޭޓް ޑޭވިޑް އަންދަލް، ނިޔާވީ ކޮވިޑަށް ފަރުވާ ހޯދަމުންދަނިކޮށް
ކޮވިޑް-19އަށް ފަރުވާ ހޯދަމުން ދަނިކޮށް ނިޔާވި ރިޕަބްލިކަން ޕާޓީގެ ކެންޑިޑޭޓް ޑޭވިޑް އަންދަލް, ދަކޯޓާގެ ގާނޫނު ހަދާ މަޖިލީހުގެ އިންތިޚާބު ކާމިޔާބު ކޮށްފިއެވެ.
އެމެރިކާގެ ނޯތް ދަކޯޓާގެ ގާނޫނު ހަދާ މަޖިލީހުގެ އިންތިޚާބުން އަންދަލް މޮޅިވިކަން އިއުލާން ކުރީ އަންގާރަ ދުވަހުގެ ރޭގެ ވަގުތެއްގައެވެ. އަންދަލްއާއި ރަނިންމޭޓް ނެހްރިން އިންތިޚާބު ކާމިޔާބުކޮށްފައިވަނީ ނުފޫޒު ގަދަ ގާނޫނު ހަދާ މީހެއް ކަމަށްވާ ޖެފް ޑެލްޒަރއާ ވާދަކޮށްގެންނެވެ. އޭނާއަކީ ހައުސް އެޕްރޮޕިރިއޭޝަން ކޮމެޓީގެ ޗެއަރމަންނެވެ.
ބޭރުގެ މީޑިއާތަކުގައި ރިޕޯޓުކޮށްފައިވާ ގޮތުގައި 55 އަހަރުގެ އަންދަލް ބައްޔަށް ޕޮޒިޓިވްވުމާއި ގުޅިގެން ސިއްހީ ގޮތުން ވަރަށް ހާލު ބޮޑުވިއެވެ. އަންދަލް ނިޔާވެފައި ވަނީ ހޮސްޕިޓަލްގައި ފަރުވާ ހޯދަމުންދަނިކޮށް އޮކްޓޫބަރު މަހުގެ 05 ވަނަ ދުވަހެވެ.
އަންދަލް ނިޔާވުމާއި ގުޅިގެން އަދިވެސް ގިނަ ބަޔަކު އެކަން ގަބޫލުކުރަން ބޭނުންނުވާ ކަމަށް މީޑީއާތަކުގައި ރިޕޯޓުކޮށްފައިވެއެވެ.
މުޅި ދުނިޔެއިން އެންމެ ގިނަ ކޮވިޑް-19ގެ އެންމެ ގިނަ ކޭސް ރިޕޯޓުކޮށްފައިވަނީ އެމެރިކާގައެވެ. އަދި މިހާރުގެ ހަލުވި މިނެއްގައި ވައިރަސް ފެތުރެމުންދާއިރު، މިހާތަނަށް 9 މިލިއަނަށްވުރެ ގިނަ މީހުން ބައްޔަށް ޕޮޒިޓިވްވެ، ދެލައްކައަށްވުރެ ގިނަ މީހުން ވަނީ މަރުވެފައެވެ.
