ހުކުރު ދުވަހު ކޮވިޑަށް ޕޮޒިޓިވްވެފައިވަނީ 27 މީހުން ކަމަށް ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ބުނެފިއެވެ.

އެޗްޕީއޭ އިން ބުނީ އޭގެ ތެރޭގައި ހިމެނެނީ 16 ދިވެހިންނާއި 11 ބިދޭސީން ކަމަށެވެ. އޭގެ ތެރެއިން 18 މީހުން ޕޮޒިޓިވްވެފައި ވަނީ ގްރޭޓަރ މާލެ ސަރަހައްދުންނެވެ.

ރިސޯޓްތައް ހިމެނޭ ގޮތަށް އަތޮޅު ތެރެއިން ޕޮޒިޓިވްވެފައި ވަނީ 9 މީހުންނެވެ. އެއާއި އެކު ރާއްޖެއިން ކޮވިޑް-19 އަށް ޕޮޒިޓިވްވި މީހުންގެ ޖުމްލަ އަދަދު ވަނީ 11،643 އަށް އަރާފައެވެ.

އެޗްޕީއޭއިން ހާމަކޮށްފައިވާ ގޮތުން ފާއިތުވި 24 ގަޑީއިރު ތެރޭގައި 1776 ސާމްޕަލްއެއް ނަގާފައިވާ އިރު މި ވަގުތު އެކްޓިވް ކޭސްގެ ގޮތުގައި 820 ކޭސްއެއް ވަނީ ރެކޯޑް ކުރެވިފައެވެ. އަދި އައިސޮލޭޝަން ފެސިލިޓީސްތަކުގައި 259 މީހަކު ތިބިއިރު 54 މީހަކަށް ހޮސްޕިޓަލުގައި ދަނީ ފަރުވާދެމުންނެވެ.

ރާއްޖެއިން މިހާތަނަށް ބަލިން ފަސޭހަވި މީހުންގެ އަދަދަކީ 10،779 ކަމަށް އެޗްޕީއޭއިން މައުލޫމާތު ދެއެވެ. މިހާތަނަށް ކޮވިޑް ޖެހިގެން މަރުވި މީހުން އަދަދަކީ 37 އެވެ.