އުރީދޫ އިން އައިފޯން 12 އަދި އައިފޯން 12 ޕްރޯ ޕްރީއޯޑަރއަށް ހުޅުވާލައިފި
އެޕަލްއިން އަލަށް ނެރުނު 3 ފޯނަކީވެސް ފައިވްޖީ ޓެކްނޮލޮޖީގެ ފުރަތަމަ އައިފޯނު
އައިފޯން 12 އަދި އައިފޯން 12 ޕްރޯ
އެޕަލް ކުންފުނިން އެންމެ ފަހުން ނެރުނު އައިފޯން 12 އަދި އައިފޯން 12 ޕްރޯ އުރީދޫއިން ރާއްޖެއަށް ތައާރަފުކޮށްފިއެވެ.
އުރީދޫއިން ބުނީ އޮކްޓޯބަރ 30 ވަނަ ދުވަހުން ފެށިގެން މޫލީ މެދުވެރިކޮށް، ކަސްޓަމަރުންނަށް އައިފޯން 12 އަދި އައިފޯން 12 ޕްރޯ، ޕްރީއޯޑަރ ކުރެވޭނެ ކަމަށެވެ.
އެޕަލްއިން އަލަށް ނެރުނު 3 ފޯނަކީވެސް ފައިވްޖީ ޓެކްނޮލޮޖީގެ ފުރަތަމަ އައިފޯނުތަކެވެ.
އެއީ އައިފޯން 12، އައިފޯނު 12ޕްރޯ، އައިފޯން 12މެކްސް އަދި އައިފޯނު 12މިނީ އެވެ. ފޯނުތަކުގެ އިތުރުން އެޕަލްއިން ވަނީ ހޯމްޕޮޑް މިނީ ނަމަކަށް ކިޔާ ސްމާޓް ސްޕީކަރއެއްވެސް ލޯންޗުކޮށްފައެވެ.
ރީތި އައު ޑިޒައިންތަކެއް ހިމެނޭ، އައިފޯން 12 ގެ މޮޑެލްތަކުގައި ވާދަވެރި ކެމެރާ ސިސްޓަމްތަކަކާއި އެކު، އެޖް-ޓު-އެޖް ސުޕަރ ރެޓިނާ އެކްސް.ޑީ.އާރް ޑިސްޕްލޭ ހިމަނާފައިވެއެވެ.
ހަމައެއާއިއެކު، ސެރަމިކް ޝީލްޑް ފްރަންޓް ކަވަރަކާއި އެކު، އައިފޯން 12 ސީރީޒްގެ ފޯނުތަކުގައި އެކުލެވިފައިވާ އެޕަލްގެ އޭ-14 ބަޔޮނިކް ޗީޕް އަކީ މިހާތަނަށް ސްމާޓްފޯނެއްގައި ބޭނުންކުރެވިފައިވާ އެންމެ ހަލުވި ޗިޕްއެވެ.
އެޕަލް އައިފޯނު 12 އާއި އައިފޯނު 12 މިނީއަށް ބަލާލައިރު، އައިފޯނު 12 އަކީ 6.1 އިންޗީގެ ފޯނެކެވެ. އަދި އައިފޯނު 12 މިނީއަކީ 5.4 އިންޗީގެ ފޯނެވެ. މީގެެތެރެއިން އައިފޯނު 12 މިނީއަކީ މިހާތަނަށް ނެރޭ އެންމެ ތުނި، އެންމެ ލުއި އަދި އެންމެ ކުޑަ ފައިވްޖީ ސްމާޓްފޯނެވެ.
