ބުދަ 25 ނޮވެންބަރު 2020
12 ނޮރަ
1442 ރަބީޢުލްއާޚިރު 09
ފަތިސް 04:38
އިރުއަރާ 05:54
މެންދުރު 11:57
އަސްރު 15:17
އިރުއޮއްސޭ 17:52
އިޝާ 19:08
ކެޕާ ހޯދަން މަސައްކަތް ކުރުން

ލޯނު އުސޫލުން ކެޕާ ހޯދުމަށް ސެވިއްޔާއިން މަސައްކަތް ކުރަނީ

  • ޗެލްސީގެ އެއް ނަންބަރު ގޯލްކީޕަރަކީ މެންޑީ ކަމަށް ލަމްޕާޑް ވަނީ ބުނެފައި
  • އަންނަ އަހަރުގެ ޖެނުއަރީ ޓްރާންސްފާގައި ސެވިއްޔާއިން ކެޕާ ގެންދާނެ

ކ. މާލެ | 22 އޮކްޓޯބަރ 2020 | ބުރާސްފަތި 16:50 | 2,840

ޗެލްސީއަށް ކުޅެމުން އަންނަ ދުނިޔޭގެ އެންމެ އަގުބޮޑު ގޯލްކީޕަރު ސްޕެއިނުގެ ކެޕާ އަރިއްޒަބަލާގާ - ގެޓީ އިމޭޖާސް

ލޯނު އުސޫލުން ޗެލްސީއަށް ކުޅެމުން އަންނަ ދުނިޔޭގެ އެންމެ އަގުބޮޑު ގޯލްކީޕަރު ސްޕެއިނުގެ ކެޕާ އަރިއްޒަބަލާގާ ހޯދުމަށް ސެވިއްޔާއިން މަސައްކަތް ކުރަމުން އަންނަ ކަމަށް ރިޕޯޓުތައް ބުނެފިއެވެ.

ދުނިޔޭގެ އެންމެ އަގުބޮޑު ގޯލްކީޕަރުގެ ގޮތުގައި 2018 ވަނަ އަހަރު ކެޕާ ޗެލްސީއަށް ބަދަލުވީ 71.6 މިލިޔަން ޕައުންޑުގެ ފީއަކަށެވެ. އެކަމަކު ޗެލްސީން ކުޅުނު ގިނަ މެޗުތަކުގެ ކެޕާގެ ފަރާތުން ގިނަ ގޯސްތަކެއް ފެނިފައިވާއިރު، ކެޕާއަށް ޗެލްސީގެ ސަޕޯޓަރުންވެސް ނުރުހެއެވެ.

އެއާއެކު މި ނިމުނު ޓްރާންސްފާގައި ޗެލްސީން ވަނީ ރެނެސްއަށް ކުޅެމުން އައި ސެނެގާލުގެ ގޯލްކީޕަރު އެޑޮއާޑް މެންޑީގެ ސޮއި ހޯދާފައެވެ. އަދި ދާދި ފަހުން ޗެލްސީގެ ކޯޗު ފްރޭންކް ލަމްޕާޑް ވަނީ އެ ޓީމުގެ އެއް ނަންބަރު ގޯލްކީޕަރަކީ މެންޑީ ކަމަށް ބުނެފައެވެ.

އެހެންކަމުން ޗެލްސީ ދޫކޮށްލަން އުމުރުން 26 އަހަރުގެ ކެޕާ ބޭނުންވާ ކަމަށް ރިޕޯޓުތައް ބުނެއެވެ. އެއާއެކު ސެވިއްޔާއިން އަންނަނީ ކެޕާ ހޯދުމަށް މަސައްކަތް ކުރަމުންނެވެ. ސްޕެއިނުގެ ރިޕޯޓުތައް ބުނާ ގޮތުން އަންނަ އަހަރުގެ ޖެނުއަރީ ޓްރާންސްފާގައި ލޯނު އުސޫލުން ކެޕާ ގެންދިޔުމަށް ސެވިއްޔާއިން ވަނީ ޗެލްސީގައި އެދިފައެވެ. އަދި ޗެލްސީން ކެޕާ ދޫކޮށްލާނެ ކަމަށްވެސް ވަނީ ރިޕޯޓުކޮށްފައެވެ.

ޗެލްސީގެ އެއް ނަންބަރު ގޯލްކީޕަރަކީ މެންޑީ ކަމަށް ލަމްޕާޑް ބުނެފައިވީ ނަމަވެސް، މީގެ ކުރިން އޭނާ ވަނީ ކެޕާއާ މެދު މީޑިއާއިން އަމަލުކުރަމުން އަންނަނީ ރަނގަޅަކަށް ނޫން ކަމަށް ބުނެފައެވެ. އަދި ކެޕާ ދެން މި ސީޒަނުގައި ޗެލްސީގެ ގޯލުން ނުފެންނާނެ ކަމަށް ނުބުނާނެ ކަމަށާއި، ކެޕާއަށް ޗެލްސީގައި ފުރުސަތު އޮންނާނެ ކަމަށްވެސް ލަމްޕާޑް ބުންޏެވެ.

ކެޕާއަށް ގިނަ ބައެއްގެ ފާޑިކިޔުން އަމާޒުވެފައިވާއިރު، އިނގިރޭސި ޕްރިމިއާ ލީގަށް ޗެލްސީން އެކުލަވާލި 25 ކުޅުންތެރިންގެ ސްކޮޑުގައި މިދިޔަ އަހަރު ފުޓްބޯޅައިން ރިޓަޔާކުރި އުމުރުން 38 އަހަރުގެ ގޯލްކީޕަރު ޕީޓާ ޗެކްވެސް ވަނީ ހިމަނާފައެވެ.

އެތުލެޓިކް ބިލްބާއޯ ދޫކޮށް 2018 ވަނަ އަހަރު ޗެލްސީއާ ގުޅުނު ކެޕާ ވަނީ އެ ޓީމަށް 98 މެޗު ކުޅެދީ، އެ ޓީމާއެކު ޔުއެފާ ޔޫރޮޕާ ލީގު ކާމިޔާބުކޮށްފައެވެ.

އެންމެ ފަހުން އަޕްޑޭޓް ކުރީ: 1 މަސްކުރި | ރިވިއު ކުރީ: ހުސައިން ފަރިޔާޒް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.