މިއަދު ޕޮޒިޓިވްވީ 39 މީހުން، އަތޮޅުތެރެއިން ޕޮޒިޓިވްވީ އެންމެ މީހެއް!
20 އޮކްޓޯބަރު 2020 | އަންގާރަ 17:32ޕޮޒިޓިވް ވެފައިވާ މީހުންގެ ތެރޭގައި ހިމެނެނީ 33 ދިވެހިން
ކޮވިޑް-19 އަށް ސާމްޕަލް ނަގަނީ
ރާއްޖެއިން އިތުރު 39 މީހަކު ކޮވިޑް-19 އަށް ޕޮޒިޓިވްވެއްޖެއެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ހާމަކޮށްފައިވާގޮތުން އަންގާރަ ދުވަހު ޕޮޒިޓިވް ވެފައިވަނީ 33 ދިވެހިންނާއި ހަ ބިދޭސީންނެވެ.
ޕޮޒިޓިވްވި މީހުންގެ ތެރެއިން 38 މީހުން ޕޮޒިޓިވް ވެފައިވަނީ މާލެ ސަރަހައްދުންނެވެ. ރިސޯޓްތައް ހިމެނޭގޮތަށް އަތޮޅުތެރެއިން ޕޮޒިޓިވްވެފައިވަނީ އެންމެ މީހެކެވެ.
އެެއާާއި އެކު ރާއްޖެއިން ކޮވިޑް-19 އަށް ޕޮޒިޓިވްވި މީހުންގެ އަދަދުވަނީ 11271 އަށް އަރާފައެވެ.
އެޗްޕީއޭއިން ހާމަކޮށްފައިވާގޮތުން ފާއިތުވި 24 ގަޑިއިރުތެރޭގައި 1368 ސާމްޕަލްއެއް ވަނީ ނަގާފައެެވެ. އެކްޓިވް ކޭސްގެ ގޮތުގައި މިވަގުތު 993 ކޭސް އެއް ރިޕޯޓްކޮށްފައިވާއިރު ބަލިން ރަނގަޅުވި މީހުންގެ އަދަދު ވަނީ 10234 އަށް އަރާފައެެވެ.
އައިސޮލޭޝަން ފެސިލިޓީސްތަކުގައި މިވަގުތު 347 މީހަކު ތިބިއިރު 45 މީހަކަށް މިވަގުތު ދަނީ ހޮސްޕިޓަލުގައި ފަރުވާދެމުންނެވެ.
މިހާތަނަށް ކޮވިޑް ޖެހިގެން ރާއްޖެއިން މަރުވެފައިވަނީ 37 މީހުންނެވެ.
