ނެޓްފްލިކްސްގެ ފިލްމު ވައިޓް ޓައިގަރގެ ފުރަތަމަ ފޮޓޯތައް ބެލުންތެރިންނަށް ދޫކޮށްލައިފި

ސްޓީރިމިންގ ސަރވިސް ނެޓްފްލިކްސްގެ ފިލްމު ވައިޓް ޓައިގަރގެ ފުރަތަމަ ފޮޓޯތައް ހިއްސާކޮށްފިއެވެ.

ޕްރިޔަންކާ ޗޯޕްރާ، ރާޖްކުމާރު ރާއޯ އަދި އަދާރޝް ގޯރަވް ހަރަކާތްތެރިވާ ފިލްމުގެ ޑައިރެކްޓަރ އަދި ޕްރޮޑިއުސަރަކީ ރަމިން ބަހްރާނީއެވެ. މި ފިލްމަކީ ނިއުޔޯކް ޓައިމްސް ބެސްޓް ސެލަރއެއް ކަމަށްވާ އަދި 2008 ވަނަ އަހަރު 'މޭން ބުކް ޕްރައިޒް' ލިބިފައިވާ ފޮތެއްގެ މައްޗަށް ބިނާކޮށްފައިވާ ފިލްމެކެވެ.

މިއީ ބަލްރާމް ހަލްވާއީ ކިޔާ މީހެއްގެ އާއިލީގެ ދަތި ދިރިއުޅުމުގެ ހާލަތު ކިޔައިދޭ ފިލްމެކެވެ.

ޕްރޮޑިއުސަރ ރަމިން ބަހްރާނީ ބުނީ މި ރޯލް އަދާކޮށްފައިވާ އަދާރްޝް ގޯރަވްއަކީ އަލަށް ނިކުންނަ ފަންނާނުންގެ ތެރެއިން އެކުގައި މަސައްކަތް ކުރެވުނު އެންމެ ޓެލެންޓް ހުރި އެކަކު ކަމަށެވެ. އަދި އޭނާ މި ފިލްމުގައި ދައްކުވައިދީފައިވާ ޕަރފޯމަންސްއަކީ ވަރަށް ފާހަގަކޮށްލެވޭ ފުރިހަމަ ޕަރފޯމަންސެއް ކަމަށް ބަހްރާނީ ބުނެފައިވެއެވެ.

ފަގީރު އަވަށެއްގެ ރަށްވެއްސަކުން ކާމިޔާބު ވިޔަފާރިވެރިއަކަށް ބަލްރާމް ވެގެންދާގޮތް ދައްކުވައިދޭއިރު ބަނޑުހައި ހޫނުކަމާއި އެކިއެކި ފުރުސަތުތައް ނުލިބުމުގެ ސަބަބުން ދިރިހުރުމަށް ކުރަންޖެހޭ ހިތްވަރާއި ކަންކަން މި ފިލްމުން ދައްކުވައިދެއެވެ. ރާޖްކުމާރު ރާއޯއަކީ އިންޑިޔާގެ އެންމެ ކާމިޔާބު އެކްޓަރުންގެ ތެރޭގައި ހިމެނޭ މަދު މީހަކަށް ނޫނީ ނުދެއްކޭ ފަދަ ހުނަރު ދައްކުވައިދޭ އެކްޓަރެކެވެ.

ފިލްމުގެ އެއް އެކްޓަރު ކަމަށްވާ ޕްރިޔަންކާ ހިއްސާކޮށްފައިވާ ފޮޓޯތަކުގެ ކެޕްޝަންގައި ބުނެފައިވަނީ މި ފިލްމަކީ ބަލަން އުނދަގޫ ކަންކަން ވެސް ފެނިގެންދާނެ، ނަމަވެސް ޔަގީނުންވެސް މުނިފޫހި ފިލުވައިދޭނެ ބާރު ގަދަ ފިލްމެއް ކަމަށެވެ.

މި ފިލްމަކީ އަރްވިންދް އަދީގާ ލިޔެފައިވާ އަދި 'މޭން ބުކަރ ޕްރައިޒް' ލިބިފައިވާ ފޮތެއްގެ މައްޗަށް ބިނާކޮށް އުފައްދާފައިވާ ފިލްމެކެވެ.

ޕްރިޔަންކާ މި ފިލްމުގައި ފެނިގެންދާނީ ޕިންކީ މެޑަމް ކިޔާ ކެރެކްޓަރ އަކުންނެވެ. އަދި ޕިންކީ މެޑަމްއަކީ އިންޑިޔާއިން އެމެރިކާއަށް ހިޖުރަކޮށްފައިވާ މީހެއްކަމަށާއި އޭނާގެ ފިރިމީހާގެ ވިޔަފާރި ދަތުރެއްގައި އިންޑިއާއަށް އައުމަށްފަހު ދިރިއުޅުން ބަދަލުވެގެންދާ ގޮތް މި ފިލްމުގައި ފެނިގެންދާނެ އެވެ.

މި ފިލްމުގެ ޑައިރެކްޓަރަކީ ފެރެންހައިޓް 451 އަދި 99 ހޯމްސް ފަދަ ފިމްލުތައް ޑައިރެކްޓްކޮށްފައިވާ ފަރާތެއްކަމަށްވާ ރަމިން ބަހްރާނީއެވެ. މުކުލް ޑިއޯރާއާއެކު ނެޓްފްލިކްސް އިން ޕްރޮޑިއުސްކޮށްފައިވާ މި ފިލްމުގައި ތަރިއެއްގެ އިތުރުން ޕްރިޔަންކާ އަކީ ފިލްމުގެ އެގްޒެކެޓިވް ޕްރޮޑިއުސަރެއްވެސް މެއެވެ.

މި ވާހަކައަކީ ފަގީރު އަވަށެއްގައި ސައި ވިއްކާ މީހަކު ބޮޑު ސިޓީއެއްގައި ކާމިޔާބު ވިޔަފާރިވެރިއަކަށް ބަދަލުވެގެންދާ ގޮތުގެ ވާހަކައެކެވެ.

މި ފިލްމް ނެޓްފްލިކްސިން ފެނިގެން ދާނީ ޑިސެމްބަރ މަހުގަކަން ވަނީ އިއުލާނު ކޮށްފައެވެ