ކ. މާލެ
|
13 އޮކްޓޯބަރ 2020 | އަންގާރަ 16:58
ބެލްޖިއަމް ގައުމީ ފުޓްބޯޅަ ޓީމުގެ މިޑްފީލްޑަރު ކެވިން ޑި ބްރޭނާ
ބެލްޖިއަމް ގައުމީ ފުޓްބޯޅަ ޓީމުގެ މިޑްފީލްޑަރު ކެވިން ޑި ބްރޭނާ
ގެޓީ އިމޭޖަސް
ޑި ބްރޭނާއަށް އަނިޔާވުން
އަނިޔާއާ ގުޅިގެން ބެލްޖިއަމުގެ ސްކޮޑުން ޑި ބްރޭނާ ވަކިވެއްޖެ
 
ޑި ބްރޭނާއަށް ސީރިއަސް އަނިޔާއެއް ނުވޭ
 
އިންގްލެންޑް މެޗުގެ 73 ވަނަ މިނެޓުގައި ޑި ބްރޭނާ ވަނީ އަނިޔާގެ ސަބަބުން ބާލާފައި

ފިޓްނަސް މައްސަލައެއްގައި ބެލްޖިއަމް ގައުމީ ފުޓްބޯޅަ ޓީމުގެ ސްކޮޑުން މިޑްފީލްޑަރު ކެވިން ޑި ބްރޭނާ ވަކިވެއްޖެއެވެ.

މިިދިޔަ އާދިއްތަ ދުވަހުގެރޭ ޔުއެފާ ނޭޝަންސް ލީގުގައި އިންގްލެންޑް އަތުން 2-1 ން އިންގްލެންޑް ބަލިވި މެޗުގެ 73 ވަނަ މިނެޓުގައި ޑި ބްރޭނާ ވަނީ އަނިޔާގެ ސަބަބުން ބާލާފައެވެ.

ބެލްޖިއަމުގެ ސްކޮޑުން ޑި ބްރޭނާ ވަކިވިކަން އެ ގައުމުގެ ފުޓްބޯޅަ އިދާރާއިން ވަނީ ހާމަކޮށްފައެވެ. ބެލްޖިއަމް ގައުމީ ފުޓްބޯޅަ ޓީމުގެ އޮފިޝަލަކު ބުނީ ޑި ބްރޭނާއަށް ސީރިއަސް އަނިޔާއެއް ނުވާ ކަމަށާއި، އެކަމަކު ފިޓްނަސްގެ ކުޑަ މައްސަލައަކާ ގުޅުގެން ބުދަ ދުވަހުގެރޭ އައިސްލެންޑާ ދެކޮޅަށް ބެލްޖިއަމް ކުޅޭ މެޗަށް އެކުލަވާލި ސްކޮޑުން އޭނާ ވަކިވެފައިވާ ކަމަށެވެ.

އިނގިރޭސި ޕްރިމިއާ ލީގުގައި އަންނަ ހޮނިހިރު ދުވަހުގެރޭ ސިޓީން އާސެނަލާ ދެކޮޅަށް ކުޅޭއިރު، އެ މެޗަށް ޑި ބްރޭނާ ފިޓްވާނެ ކަމަށް ރިޕޯޓުތައް ބުނެއެވެ.

ދުނިޔޭގެ ރޭންކިންގެ އެއްވަނައިގައި އޮތް ބެލްޖިއަމް ނޭޝަންސް ލީގުގައި އެންމެ ފަހުން ކުޅުނު މެޗުން ބަލިވިއިރު، އެ ޓީމު އޮތީ ލީގު އޭ ގްރޫޕް ދޭއްގެ ދެވަނައިގައި ތިން މެޗުން ހަ ޕޮއިންޓާއެކުއެވެ. މި ގްރޫޕުގެ އެއްވަނައިގައި އޮތް އިންގްލެންޑަށް ތިން މެޗުން ވަނީ ހަތް ޕޮއިންޓް ލިބިފައެވެ. ތިންވަނައިގައި ތިން މެޗުން ހަތަރު ޕޮއިންޓާއެކު ޑެންމާކް އޮތްއިރު، އައިސްލެންޑް އޮތީ ތިން މެޗުން ޕޮއިންޓެއް ނުލިބި ފުލުގައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ހުސައިން ފަރިޔާޒް
0%
0%
0%
0%
0%
0%
ކޮމެންޓް