މާލެ ފިޔަވާ 21 ރަށަކުން ކޮވިޑްގެ ކޭސްތައް ރިޕޯޓު ކޮށްފި
9 އޮކްޓޯބަރު 2020 | ހުކުރު 22:54އަތޮޅުތެރެއިން މުޅި ޖުމްލަ 146 ކޭސް ވަނީ ފެނިފަ
ކޮވިޑްގެ ސާމްޕަލްއެއް އައިޖީއެމްއެޗްގެ ލެބުގައި
މާލެ ފިޔަވާ 21 ރަށަކުން ކޮވިޑްގެ ކޭސްތައް ރިޕޯޓު ކޮށްފިއެވެ.
ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން އާއްމު ކޮށްފައިވާ އެންމެ ފަހުގެ ތަފާސްހިސާބުތަކުން ދައްކާ ގޮތުގައި އަތޮޅުތެރެއިން މުޅި ޖުމްލަ 146 ކޭސް ވަނީ ފެނިފައެވެ. އެގޮތުން 83 ދިވެހިންނާއި 64 ބިދޭސީން ހިމެނެއެވެ.
އަތޮޅުތެރެއިން ޕޮޒިޓިވްވި މީހުންގެ ތެރޭގައި ގިނައީ މާލެއިން ރަށްރަށަށް ދަތުރު ކުރުމަށްފަހު ހޯމް ކަރަންޓީނުގައި ތިބޭ މީހުންނެވެ.
ތަފާސްހިސާބުތަކުން ދައްކާ ގޮތުގައި އެންމެ ގިނައިން ޕޮޒިޓިވްވެފައިވަނީ ލ. ކައްދޫއިންނެވެ. 58 މީހުން އެ ރަށުން ޕޮޒިޓިވް ވެފައިވާއިރު އޭގެތެރޭގައި ހިމެނެނީ ކަރަންޓީނުގައި ތިބި މީހުންނާއި 24 ކޮންޓެކްޓުންނެވެ.
މީގެއިތުރުން ހއ. ހޯރަފުށިން އެކްޓިވް ކޭސްގެ ގޮތުގައި ރިޕޯޓު ކޮށްފައިވަނީ ތިން ކޭސްއެވެ. ހދ. ކުޅުދުއްފުށިން ވެސް މިހާރު އެކްޓިވް ކޭސްގެ ގޮތުގައި 7 ކޭސް ރިޕޯޓު ކޮށްފައިވާއިރު 2 މީހަކު ވަނީ ބަލިން ރަނގަޅުވެފައެވެ.
