މަސްވެރިންނަށް 8.4 މިލިއަން ރުފިޔާގެ އިންކަމް ސަޕޯޓް އެލަވަންސް ދީފި
7 އޮކްޓޯބަރު 2020 | ބުދަ 07:26ބޮޑު ކަންނެލި ގަނެ އެކްސްޕޯޓް ކުރާ ފަރާތްތަކަށް 100 މިލިއަން ރުފިޔާގެ ކްރެޑިޓް ސްކީމެއް ވަނީ ހުޅުވާލާފައި
މަސްވެރިންތަކެއް މަސްބާނަނީ
މިހާތަނަށް އައިއިރު މަސްވެރިންނަށް އިންކަމް ސަޕޯޓް އެލަވަންސްގެ ގޮތުގައި 8.4 މިލިއަން ރުފިޔާ ދީފައިވާނެ ކަމަށް ފިނޭންސް މިނިސްޓަރ އިބްރާހީމް އަމީރު ވިދާޅުވެއްޖެ އެވެ.
ބުދަ ދުވަހުގެ ޖަލްސާގައި މަސްވެރިންނާއި ދަނޑުވެރިންނަށް އެލަވަންސް ދެއްވަނީ ކޮންއިރަކުންތޯ އާއި އެލަވަންސް ނުދެއްވަނީ ކީއްވެތޯ ކާށިދޫ ދާއިރާގެ މެމްބަރ އަބްދުﷲ ޖާބިރު ވަނީ ފިނޭންސް މިނިސްޓަރ އިބްރާހީމް އަމީރާއ ސުވާލުކުރައްވާފައެވެ. އެ ސުވާލަށް ޖަވާބު ދެއްވަމުން ފިނޭންސް މިނިސްޓަރ ވިދާޅުވީ އިންކަމް ސަޕޯޓް އެލަވަންސަށް އަމިއްލަ މަސައްކަތް ކުރާ ފަރާތްތަކަށް ކުރިމަތިލުމުގެ ފުރުސަތު ހުޅުވާލާފައިވާ ކަމަށެވެ. އެހެންކަަމުން ކޮވިޑް-19ގެ އެހީއަށް މަސްވެރިންނާއި ދަނޑުވެރިން ހިމެނޭ ގޮތަށް ހުޅުވާލާފައިވާ ކަމަށް މިނިސްޓަރ ވިދާޅުވިއެވެ.
ކޮވިޑް-19 ގެ އެހީއަށް އޭޕްރީލް މަހުން ފެށިގެން އަދި އިންކަމް ސަޕޯޓަށް މެއި މަހުން ފެށިގެން އެދުމުގެ ފުރުސަތު ހުޅުވާލާފައިވާ ކަމަށް މިނިސްޓަރ ވިދާޅުވިއެވެ.
މިނިސްޓަރ ވިދާޅުވީ ކޮވިޑް-19 ގެ ހާލަތާއި އެކުވެސް މަސްވެރިންނަކީ އައީ ހައްގުވާ ފައިސާ ދެމުން ކަމަށެވެ. އަދި މި ސަރުކާރު ހަވާލުވިއިރު މިފްކޯއިން މަސްވެރިންނަށް ކްރެޑިޓަށް ފައިސާ ނުދައްކާ މަސް ދެމަސް ވަމުން ދިޔަ ކަމަށާއި ނަމަވެސް މިހާރު މި ސަރުކާރުން އެ މުއްދަތު ކުޑަކުރަމުން އައިސް މަސްވެރިންނަށް ވަގުތުން ފައިސާ ދެވޭނެ ހިސާބަށް އައިސްފައިވާ ކަމަށް މިނިސްޓަރ ވިދާޅުވިއެވެ.
މިނިސްޓަރ ވިދާޅުވީ މިސަރުކާރުން މަސްވެރިކަމަށް ގިނަ އިންވެސްޓްތަކެއް ކުރަމުން އަންކަމަށެވެ. އެގޮތުން ސްޓޯރޭޖް ބޮޑުކޮށް ފެލިވަރާއި ކޫއްޑޫއަށް ވެސް އިންވެސްޓްތަކެއް ކޮށްފައިވާ ކަމަށް މިނިސްޓަރ ވިދާޅުވިއެވެ.
