ތައިމޫރު ސްޕެނިޝް ދަސް ކުރުމުގައި

އިންޑިއާގައި ޕޮޒިޓިވް ކޭސްތައް ދަނީ ދުވަހަކުން ދުވަހަކަށް އިތުރުވަމުންކަން ފާހަގަ ކޮށްލެވެއެވެ. ހޯމް އައިސޮލޭޝަންގައި ގިނަ ބަޔަކު ހޭދަ ކުރަމުން ދާއިރު އިންޑިއާގެ މަޝްހޫރު ފިލްމީ ތަރިން ވެސް ދަނީ ގޭގައި ތިބެގެން އިތުރު ހޮބީ ތަކާއި އަދި އާ ކަންކަން ދަސްކުރަމުންނެވެ. މިގޮތުން ކަރީނާ ކަޕޫރުގެ ދަރިފުޅު ތައިމޫރު ނުވަތަ އާންމު ނަމުން ނަމަ ޓިމް ވެސް ދަނީ ގޭގައި ހުރެ ވަގުތު އެންމެ ރަނގަޅު ގޮތުގައި ހޭދަ ކުރަމުންނެވެ.

ޓިމް ވަނީ ސްޕެނިޝް ދަސްކުރަން އޮންލައިން ކިލާހެއްގައި ބައިވެރިވެފައެވެ. ޚަބަރުތަކުން ބުނާ ގޮތުގައި ޓިމް ގެ އޮންލައިން ސްޕެނިޝް މުދައްރިސް އެޝްލީން އެސް ޖޮލީ ވަނީ ގުރުގޯން ގައި ހުންނަ ޕަޓައުޑީ ޕެލެސް އަށް ގޮސް، ޓިމް އާއި ބައްދަލުވެފައެވެ. އަދި ވަނީ ސޯޝަލް މީޑިއާގައި ފޮޓޯ ހިއްސާ ކޮށްފައެވެ. މި ފޮޓޯގައި ބުނެފައި ވަނީ އޭނާގެ ސްޕެނިޝް ސްޓޫޑަންޓް އާއި އެންމެފަހުން ދިމާވެއްޖެ ކަމަށެވެ. މީގެ އިތުރުން އެޝްލީން ވަނީ ތައިމޫރްގެ މަންމަ ކަރީނާ އާއެކު ވެސް ފޮޓޯ ނަގާފައެވެ.

ކަރީނާ އަދި ފިރިމީހާ ސައީފް އަދި ތައިމޫރް މިހާރު ވީ ނިއު ދިއްލީގައި ކަރީނާ އާއި އާމިރް ޚާން ފެނިގެންދާ ފިލްމް "ލާލް ސިންގ ޗައްޑާ" ގެ އެންމެ ފަހުގެ ތައްޔާރީ ތަކުގައިއެވެ. މި ފިލްމް އަކީ އަދްވެއިތް ޗަންދަންގެ ޑައިރެކްޝަންގެ ދަށުން ހަދަމުންދާ ފިލްމެކެވެ.