ޖެކް ދެކެ އަބަދުވެސް ލޯބިވާނަން- ކްރިސީ ޓީގެން

ދަރިއަކު ބީވެގެން ދިއުމުގެ ހިތާމަ އަކީ މީހަކަށް ހިތަށް ވެސް ނުގެނެވޭ ފަދަ ވޭން ގަދަ ތަޖުރިބާ އެއް ކަމަށް އެމެރިކާގެ މަޝްހޫރު މޮޑެލް ކްރިސީ ޓީގެން ބުނެފިއެވެ.

މަޝްހޫރު ލަވަކިޔުންތެރިޔާ ޖޯން ލެޖަންޑް އަދި އޭނާގެ އަންހެނުން ކްރިސީ ޓީގެންގެ ދަރިފުޅު ބައިގެން ދިޔަ ޚަބަރު ވަނީ ސޯޝަލް މީޑިއާގައި ހިއްސާ ކޮށްފައެވެ. އިންސްޓަރގްރާމްގައި ހިތްދަތި ޕޯސްޓެއް ހިއްސާ ކުރަމުން ދަރިފުޅު ދުނިޔެ ދޫކޮއްދިޔަ ކަން ކްރިސީ ފާހަގަ ކުރިއެވެ. އަދި އާދަޔާ ހިލާފަށް ލޭ ބޭރުވުމުގެ ސަބަބުން ކްރިސީ ހޮސްޕިޓަލް ގައި އެޑްމިޓް ވިކަން ބުނިއެވެ.

ކްރިސީގެ އިންސްޓަރގްރާމް ޕޯސްޓްގައި ބުނެފައި ވަނީ، ދުވަހަކުވެސް އިހުސާސު ނުކުރެވޭ ފަދަ ހިތްދަތި ދަނޑިވަޅެއްކަމަށާއި، ޝޮކެއްގެ ތެރޭގައި ކަން އަދިވެސް ތިބިކަން ފާހަގަ ކުރިއެވެ. ލޭ ބޭރުވުން ނުހުއްޓުމުގެ ސަބަބުން ބިރުވެރި އަނދަވަޅަކަށް ވެއްޓުންކަން ކްރިސީ ބުނިއެވެ.

ދަރިންގެ ނަން އަބަދުވެސް އިހްތިޔާރު ކުރަނީ އެންމެ ފަހު ވަގުތުގައި ހޮސްޕިޓަލުން ނިކުމެފައިކަން ކްރިސީ ބުނިއެވެ. އެހެންނަމަވެސް ބަންޑުބޮޑު އިރުން ސުރެއް މި ކުއްޖާ އަށް "ޖެކް" މި ނަމުން މުހާތަބު ކުރިކަމަށް ކްރިސީ ބުނިއެވެ.

ކްރިސީ ވަނީ އެ ކުއްޖާއަށް މައާފަށް ވެސް އެދިފައެވެ. އެތަކެއް އުންދަގޫތަކާ ކުރިމަތިލާ، އެތަކެށް ކޮމްޕްލިކޭޝަންސ ތައް ތަހައްމަލް ޖެކް ކުރިކަމަށް ކްރިސީ ބުނިއެވެ. އަދި އަބަދުވެސް ލޯބި ވާނަން ކަމަށް ބުންޏެވެ.

ކްރިސީ އަދި ޖޯންގެ ތިންވަނަ ދަރިފުޅަށް ބަންޑު ބޮޑުކަން އިއުލާނު ކޮށްފައި ވަނީ އޮގަސްޓު މަހުގައެވެ. އަދި އެކަން އިއުލާނު ކުރީ ޖޯންގެ ވީޑިއޯ ލަވަ "ވައިލްޑް" ގެ ޒަރިއްޔާއިންނެވެ. މިކަމުގައި ހިތްވަރުލައިދިން ފޭނުންނަށާއި ރައްޓެހިންނާއި އާއިލާގެ ފަރާތްތަކަށް ކްރިސީ އަދި ޖޯން ޝުކުރު އަދާ ކޮށްފައި ވެއެވެ.