އާދީއްތަ ދުވަހު ބަލި ޖެހުނީ 53 މީހުންނަށް
27 ސެޕްޓެމްބަރު 2020 | އާދީއްތަ 17:18ވައިރަސްއަށް ޕޮޒިޓިވްވި މީހުންގެ ތެރެއިން 47 މީހުން ޕޮޒިޓިވްވީ މާލެ ސަރަހައްދުން
ކޮވިޑު ސާމްޕަލް ނެގުމުގެ މަސައްކަތް ކުރިއަށް ދަނީ
އާދީއްތަ ދުވަހު ޕޮޒިޓިވްވެފައި ވަނީ 53 މީހުން ކަމަށް ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުނެފިއެވެ.
އެޗްޕީއޭ އިން ބުނީ ހޮނިހިރު ދުވަހުގެ 6:00ން އާދީއްތަ ދުވަހުގެ އިރުއޮއްސި 6:00 ގެ ނިޔަލަށް 53 މީހަކު ޕޮޒިޓިވްވެފައިވާ ކަމަށެވެ. ވައިރަސް އަށް ޕޮޒިޓިވްވި މީހުންގެ ތެރެއިން 47 މީހުން ޕޮޒިޓިވްވީ މާލެ ސަރަހައްދުން ކަމަށްވާއިރު، 6 މީހަކު އަތޮޅު ތެރެއިން ވަނީ ޕޮޒިޓިވްވެފައެވެ. އެއީ 42 ދިވެހިންނާއި އެހެނިހެން ގައުމުތަކަށް ނިސްބަތްވާ 11 މީހުންނެވެ. އަދި 93 މީހަކު ވަނީ ބަލިން ފަސޭހަވެފައެވެ.
1210 އެކްޓިވް ކޭސް ހިމެނޭއިރު، މިހާރު ވެސް 83 މީހަކަށް ހޮސްޕިޓަލްގައި ދަނީ ފަރުވާ ދެމުންނެވެ. އަދި މިވަގުތު ވެސް އައިސޮލޭޝަން ފެސިލިޓީގައި 620 މީހަކު އެބަ ތިބި ކަމަށް އެޗްޕީއޭ އިން ބުނެއެވެ.
ރާއްޖެއިން މިހާތަނަށް ކޮވިޑް-19ގެ 10،098 ކޭސް ރިޕޯޓު ކުރެވިފައިވެއެވެ. އަދި 8847 މީހަކު ބަލިން ވަނީ ފަސޭހަވެފައެވެ.
ކޮވިޑް-19 ކޮންޓްރޯލް ކުރުމަށް ކުރަމުންދާ މަސައްކަތުގެ ތެރެއިން ގިނަ ބަޔަކު ޓެސްޓު ކުރަމުންދާއިރު، މިހާތަނަށް ރިޕީޓެޑް ސާމްޕަލްތަކާއެކު ޖުމްލަ 149,135 ސާމްޕަލެއް ނަގާފައިވެއެވެ.
ކޮވިޑް-19 ގައި މިހާތަނަށް މަރުވެފައިވަނީ 34 މީހުންނެވެ. މީގެ ތެރޭގައި ގިނައީ އުމުރުން ދުވަސްވީ މީހުންނެވެ.
