އަދުރޭ މިފަހަރު ލައިވް ޓީވީގައި އައުގުރާނަ ގޮވީ ރައީސަށް!

އިދިކޮޅު ޕީއެންސީގެ ރައީސް އަބްދުއްރަހީމް އަބްދުﷲ (އަދުރޭ) ލައިވް ޓީވީގައި ރައީސް އިބްރާހިމް މުހައްމަދު ސޯލިހު އަށް ނިސްބަތްކޮށް އައުގުރާނަ ގޮވައިފިއެވެ.

ރައީސް ސޯލިހަށް ނިސްބަތްކޮށް އަބްދުއްރަހީމް އައުގުރާނަ ގޮވީ ހޮނިހިރު ދުވަހު ޕީޕީއެމް އޮފީހުގައި ބޭއްވި ޕްރެސްކޮންފަރެންސްގައި ވާހަކަ ދައްކަވަމުންނެވެ.

މީގެކުރިންވެސް ތަފާތު އެކި ފޯރަމް ބޭއަދަބީ ބަސްތައް ބޭނުންކުރައްވާ އަބްދުއްރަހީމް، މިއަދު ޕްރެސްކޮންފަރެންސްގައި ވިދާޅުވީ މިނިސްޓަރު މާރިޔާ ހައްޔަރުކުރަންޖެހޭ ކަމަށެވެ. ބުނެވޭ ނުބުނެވޭ އެއްޗެއް ނޭގެ ހާލަތުގައި އިންޑިއާ އާއި ރާއްޖޭގެ ގުޅުމަށް ފާޑު ވިދާޅުވެ އަބްދުއްރަހީމް ވަނީ ރައީސް އަށް ނިސްބަތްކޮށް އައުގުރާނަ ގޮވާފައެވެ.

މިއީ އަބްދުއްރަހީމް ލައިވް ޓީވީގައި އައުގުރާނަ ގޮވި ފުރަތަމަ ފަހަރެއް ނޫނެވެ. ދާދި ފަހުން އެޗްޕީއޭގެ ގައިޑްލައިންއާ ހިލާފުވެގެން ފުލުހަށް ހާޒިރުކުރި ކުރުމުގައިވެސް އޭނާ ވަނީ މަޖިލީހުގެ ރައީސް މުހައްމަދު ނަޝީދު ނެރުއްވި ''ދެ ރަދުން'' ފޮތާއި ގުޅުވައި އައުގުރާނަ ގޮވާފައެވެ.

ރައްޔިތުންގެ މަޖިލީހުގެ ފޮނަދޫ ދާއިރާގެ މެމްބަރުކަންވެސް ކުރައްވާފައިވާ އަދުރޭ ވަނީ މަޖިލީހުގެ ތަޅުމުގައިވެސް އައުގުރާނަ ގޮވާފައެވެ.

އަބްދުއްރަހީްގެ ބަސްމަގު ހުންނަގޮތުން ޕީޕީއެމްގެ ބައެއް މެމްބަރުންވެސް ވަނީ ހިތްހަމަނުޖެހުން ފާޅުކޮށްފަ އެވެ. އަދި ގޭގައި ޓީވީ ބަލަން ތިބޭއިރު، އަބްދުއްރަހީމް ވާހަކަދައްކާނަމަ، ޓީވީ ޗެނަލް ބަދަލުކުރަންޖެހޭކަން ޕީޕީއެމްގެ ބައެއް މެމްބަރުންވެސް ފާހަގަކުރެ އެވެ.