މެންޗެސްޓަރ ޔުނައިޓެޑުން ވާދަވެރި އާސެނަލްގެ މެސުތު އޮޒިލްގެ އިތުރުން އިންޓަމިލާންގެ އިވާން ޕެރިސިޗްއަށް ފާރަލާން ފަށައިފިއެވެ.

މީގެ ކުރިން ޔުނައިޓެޑުން އެންމެ ބޮޑަށް ފާރަލަމުން އައި އެތްލެޓިކޯ މެޑްރިޑަށް ކުޅޭ ފްރާންސްގެ ގްރީޒްމަންގެ ބަދަލުގައި މިހާރު ފާރަލަމުން އަންނަނީ އޮޒިލް އާއި ޕެރިސިޗަށް ކަމަށް އިނގިރޭސި މިޑީއާގައި ވަނީ ފެތުރިފައެވެ.

ޔުނައިޓެޑުން އޮޒިލް ގެންނަން މަސައްކަތްކުރަނީ އޭނާއަކީ މިހާރު ޔުނައިޓެޑް ކޯޗުގެ އިރުޝާދުގެ ދަށުން ރެއާލް މެޑްރިޑްގައި ކުޅެފައިވާ ކުޅުންތެރިއަކަށް ވުމުންނެވެ. އަދި އޮޒިލްއާ މެދު މޮރީނިއޯ ވަރަށް ގަޔާވާކަމަށް މީޑިއާގައި ފެތުރިފައިވެއެވެ.

އާސެނަލްގައި މަޑުކުރަން އޮޒިލް އެހާ ބޭނުންނުވާކަން ކުރިން އޭނާ ހާމަކޮށްފައިވެއެވެ. އެގޮތުން އެކުލަބު ހޯދަމުންދާ ނާކާމިޔާބީގެ ޒިންމާ އޮޒިލްގެ ބޮލުގައި އަޅުވާތީ އެކަމާއި އޭނާހުރީ ވަރަށް ބޮޑަށް ހިތްހަމަ ނުޖެހިފައެވެ.

ކުލަބު އިތުރަށް ވަރުގަދަ ކުރަންޖެހޭ ކަމަށް ބުނެފައިވާ އޮޒިލް އާސެނަލްއާއެކު ހަދާފައިވާ އެއްބަސްވުން އަންނަ އަހަރުގެ ނިޔަލަށް ހަމަވާނެއެވެ. ހަމައެއާއެކު ހަފްތާއަކު 280،000 ޕައުންޑް ލިބޭ އާ އެއްބަސްވުމެއް އާސެނަލް އިން އޮޒިލްއަށް ހުށަހަޅާފައިވާ ކަމަށްވެސް ރިޕޯޓްތައް ބުނެއެވެ. ނަމަވެސް މި ސީޒަނަށް ފަހު އާސެނަލުން އޮޒިލް ވިއްކާލުމުގެ ފުރުސަތުވެސް ބޮޑެވެ.

މީޑިއާ ރިޕޯޓްތައް ބުނާގޮތުން ޕެރިސިޗަށް ފާލަމުން އަންނަނީ ޔުނައިޓެޑުން އެކަންޏެއް ނޫނެވެ. ޔުނައިޓެޑްގެ އިތުރުން އެންމެ ވާދަވެރި ޗެލްސީންވެސް އަންނީ ޕެރިސިޗަށް ފާރަލަމުން ކަމަށް ރިޕޯޓްތައް ބުނެއެވެ.

ޗެލްސީން ޕެރިސިޗަށް ފާރަލީނަމަވެސް އެކަން ކާމިޔާބުވާނެ ކަމަށް ބެލެވެނީ ޔުނައިޓެޑަށެވެ. ރިޕޯޓްތައް ބުނާގޮތުން ޕެރިސިޗް ހޯދުމަށް ފާރަލަމުން އަންނަ ޔުނައިޓެޑް އިން ވަނީ 60  މިލިއަން ޔޫރޯ ހުށަހަޅަން ތައްޔާރަށް އޮތީ ތައްޔާރަށެވެ.