ބިގް ބޮސް ސީޒަން 14 އަންނަ މަހު ފަށަނީ

މަޝްހޫރު ރިއަލިޓީ ޝޯ ބިގް ބޮސް ސީޒަން 14 އިއުލާންކޮށް ޕްރޮމޯ ދައްކާލާފައިވާއިރު އެ ޝޯ ފަށާނެ ތާރީހު މިވަނީ އިއުލާނު ކޮއްފައެވެ. ބިގް ބޮސް އަކީ ބޮލީވުޑްގެ މަޝްހޫރު އެކްޓަރު ސަލްމާން ޚާން ހޯސްޓްކޮއްދޭ ޝޯއެކެވެ.

އަންނަ މަހު 3 ގައި ބިގް ބޮސް ފަށަން ހަމަޖެހިފައިވާއިރު މިހާރު ކުރިއަށްދަނީ ޝޯގެ ބައިވެރިން ފައިނަލް ކުރުމެވެ. ބިގް ބޮސް ޝޫޓްކުރަން ހަމަޖެހިފައިވާ ސެޓްވެސް މިހާރުވަނީ އެއްކޮއް ހަދާ ނިމިފައެވެ. ކަލާސް އިން ގެނެސްދޭ މި ޝޯގެ އެންމެ ފަހު ސީޒަން ވަނީ ރެކޯޑްތައް މުގުރާލާފައެވެ. މިފަހަރުގެވެސް އުންމީދަކީ ނިމިދިޔަ ސީޒަން އާއި އެއްފެންވަރެއްގައި ޝޯ ގެނެސްދިނުމެވެ. ބިގް ބޮސް އަކީ ބެލުންތެރިންގެ މެދުގައި ވަރަށް މަގުބޫލު ޝޯއެކެވެ.

ބިގް ބޮސް ސީޒަން 13 ކާމިޔާބުކޮށްފައި ވަނީ އެކްޓަރު ސިދާތު ޝުކުލާއެވެ. ސިދާތު އާއި އެކު ގަދަ ތިނެއްގައި ވާދަކޮއްފައިވަނީ އާސިމް ރިއާޒާއި ޝެހެނާޒް ގިލްއެވެ. ބިގް ބޮސް އަކީ 2006 ގައި ފެށިގެން އައި މުނިފޫހިފިލުވުމުގެ ޝޯއެކެވެ.