ވިއްސާރާގައި ކޯޓުތަކަށް ވަނީ ގެއްލުންތައް ލިބިފަ، މަރާމާތުކުރަނީ!
7 ސެޕްޓެމްބަރު 2020 | ހޯމަ 04:31އެކި ސަރަޙައްދުގައި ހުރި ކޯޓުތަކަށް ތަފާތު ގެއްލުން ވެފައިވޭ
ގަމު މެޖިސްޓްރޭޓް ކޯޓު
ރާއްޖެއަށް ކުރަމުންދާ ވިއްސާރައިގައި ކޯޓުތަކަށް ތަފާތު ގެއްލުންތައް ލިބިފައިވާކަމަށާއި އެތަންތަން މަރާމަތު ކުރުމުގެ މަސައްކަތް ކުރަމުންދާކަމަށް ޑިޕާރޓްމަންޓް އޮފް ޖުޑީޝަލް އެޑްމިނިސްޓްރޭޝަނުން ބުނެފިއެވެ.
ޖުޑީޝަރީންކުރި ޓުވީޓެއްގައި ބުނީ، 05 ސެޕްޓެންބަރުން ފެށިގެން، ރާއްޖެއަށް ކުރަމުންދާ ވިއްސާރައިގައި ރާއްޖޭގެ އެކި ސަރަޙައްދުގައި ހުރި ކޯޓުތަކަށް ތަފާތު ގެއްލުން ވެފައިވާކަމަށެވެ. އަދި އެ ގެއްލުންތައް މަރާމާތުކޮށް އެ ކޯޓުތައް ޢާއްމު ޙާލަތަށް ގެނައުމުގެ މަސައްކަތް ކުރަމުންދާކަމަށް ވަނީ ބުނެފައެވެ.
ރާއްޖޭގެ އެކި ކަންކޮޅުތަކަށް ކުރަމުންދާ ވިއްސާރައާއި ގުޅިގެން ފެންބޮޑުވުންތަކުގެ ހާދިސާ ހިނގައި ގިނަ ރަށްތަކަށް ވަނީ އެކިވަރުގެ ގެއްލުންތައް ލިބިފައެވެ. އެގޮތުން، ފެންހިއްކުމުގެ މަސައްކަތުގައިވެސް އެމްއެންޑީއެފްއިން ވަނީ ހަރަކާތްތެރިވެފައެވެ.
މި ހަފްތާތެރޭގައި މޫސުން ގޯސްވާނެކަމަށް ލަފާކޮށް އޮރެންޖް އެލާރޓެއްވެސް މޫސުމާއި ބެހޭ ގައުމީ އިދާރާއިން ވަނީ ނެރެފައެވެ.
