ގއ. ކޮލަމާފުއްޓާއި ގދ. ހޯޑެއްދޫ ބަނދަރުގެ މަސައްކަތް ހަވާލުކޮށްފި
6 ސެޕްޓެމްބަރު 2020 | އާދީއްތަ 12:37މި ދެ މަޝްރޫއުގެ ޖުމްލަ އަގަކީ 119.6 މިލިއަން ރުފިޔާ
އެއްބަސްވުމުގައި ސޮއި ކުރުމުގެ ރަސްމިއްޔާތުގެ ތެރެއިން
ގއ. ކޮލަމާފުއްޓާ ގދ. ހޯޑެއްދޫ ބަނދަރުގެ ސަރވޭ، ޑިޒައިން އަދި އަލުން އިމާރާތް ކުރުމުގެ މަސައްކަތް ހަވާލުކޮށްފިއެވެ.
އާދީއްތަ ދުވަހު ބޭއްވި ރަސްމިއްޔާތެއްގައި މި އެއްބަސްވުމުގައި ސޮއި ކޮށްފައިވަނީ މިނިސްޓްރީ އޮފް ނޭޝަނަލް ޕްލޭނިންގ ހައުސިންގް އެންޑް އިނފްރާސްޓްރަކްޗަރ ގެ ފަރާތުން ޑިރެކްޓަރ ޖެނެރަލް އަލްފާޟިލާ ފާތިމަތު ޝާނާ ފާރޫގް އެވެ.
އޮޕެކް ފަންޑް ފޯ އިންޓަނޭޝަނަލް ޑިވެލޮޕްމަންޓް (އޮފިޑް) އިން 77 އިންސައްތަ ހަރަދު ދޭ މި ދެ މަޝްރޫއުގެ ޖުމްލަ އަގަކީ 119.6 މިލިއަން ރުފިޔާއެވެ. އޮޕެޑް އަކީ މި މަޝްރޫއުއަށް ފަންޑުކޮށްދޭ ފަރާތެވެ. ދިވެހި ސަރުކާރުގެ ބަޖެޓުން މި މަޝްރޫއަށް ދެނީ ހަރަދުގެ 23 އިންސައްތައެވެ.
މި މަޝްރޫގެ ދަށުން ގދ. ހޯޑެއްދޫ ހާބަރުގައި 148 މީޓަރުގެ ބޮޑު ހިލަ ބޭރު ތޮށި، 310 މީޓަރު އެއްގަމު ތޮށި، 04 ނެރު ބައްތި، 50 ބަނދަރު ބައްތި، 1550 ސްކެއަރ މީޓަރ ޕޭވްމެންޓް، 8 މޫރިންގް ބްލޮކްސް، 71،590 ކިއުބިކް މީޓަރ ބަނދަރު ފުންކުރުން، 2250 ކިއުބިކް މީޓަރ ނެރު ފުންކުރުން އަދި 652 މީޓަރ ރިވެޓްމެންޓް ޖެހުން ހިމެނެއެވެ.
އަދި ގއ. ކޮލަމާފުށީގެ ހާބަރުގައި 548 މީޓަރުގެ ބޮޑުހިލަ ބޭރު ތޮށި، 550 މީޓަރު އެއްގަމު ތޮށި، 04 ނެރު ބައްތި، 28 ބަނދަރު ބައްތި، 2750 ސްކެއަރ މީޓަރ ޕޭވްމެންޓް، 12 މޫރިންގް ބްލޮކްސް، 66،330 ކިއުބިކް މީޓަރ ބަނދަރު ފުންކުރުން، 5750 ކިއުބިކް މީޓަރ ނެރު ފުންކުރުން އަދި 404 މީޓަރ ރިވެޓްމެންޓް ޖެހުން ހިމެނެއެވެ.
މި މަސައްކަތްތައް ނިމޭނެ ކަމަށް ލަފާކޮށްފައިވަނީ 730 ދުވަހުގެ ތެރޭގައެވެ.
