"ޑޯލީ ކިއްޓީ އޯރް ވޯ ޗަމަކްތޭ ސިތާރޭ" މި މަހު ނެޓްފްލިކްސްގައި ސްޓްރީމް ކުރަނީ
މި ފިލްމު ނެޓްފްލިކްސްގައި ސްޓްރީމްކުރާނީ މި މަހު 18ގައި
ބޫމީ ޕެޑްނޭކަރު އާއި ކޮންކަނާ ސެން ޝަރްމާ
"ޑޯލީ ކިއްޓީ އޯރް ވޯ ޗަމަކްތޭ ސިތާރޭ" މި މަހު ނެޓްފްލިކްސްގައި ސްޓްރީމްކުރާ ގޮތަށް ހަމަޖެހިއްޖެއެވެ.
އެކްތާ ކަޕޫރު އާއި ޝޯބާ ކަޕޫރު ޕްރޮޑިއުސްކޮށް ގެނެސްދޭ މި ފިލްމަކީ ހުނަރުވެރި ބަތަލާ ބޫމީ ޕެޑްނޭކަރު އާއި ބަތަލާ ކޮންކަނާ ސެން ޝަރްމާ ލީޑު ރޯލުން ފެނިގެންދާ ފިލްމެކެވެ. މިދިޔަ މެއި މަހު ސިނަމާތަކުގައި މި ފިލްމު އަޅުވަން ނިންމި ނަމަވެސް ކޮވިޑް19ގެ ސަބަބުން މާރޗު މަހުން ފެށިގެން އިންޑިއާ ލޮކްޑައުންކޮށް އެ ގައުމުގެ ސިނަމާތައް ބަންދުކުރުމާ ގުޅިގެން ފިލްމު ރިލީޒް ކުރުން އޮތީ ފަސްކުރެވިފައެވެ.
މި ފިލްމަކީ ތިމާގެ ދެމީހެއް ހުވަފެންތަކެއް ދެކެ، އެ ހުވަފެންތައް ހާސިލް ކުރާތަން ދައްކުވައިދޭ ފިލްމެކެވެ. ހެއްވާ މަޖާ ކަންތައްތަކެއް ފެނިގެންދާ މި ފިލްމަކީ ބަލާޖީ މޯޝަން ޕިކްޗާސްގެ ފިލްމެކެވެ.
މި ފިލްމު ނެޓްފްލިކްސްގައި ސްޓްރީމްކުރާނީ މި މަހު 18ގައެވެ.
