ޔުނިވަރސަލް އިން 10،000 ޓެސްޓް ކިޓް ހަދިޔާކޮށްފި
5 ސެޕްޓެމްބަރު 2020 | ހޮނިހިރު 16:35މިޕެންޑަމިކްގެ ތެރޭގައި މިހާތަނަށް 30،000 އަށްވުރެ ގިނަ ޓެސްޓް ކިޓް ވަނީ ހަދިޔާ ކޮށްފައިވޭ
ޓެސްޓު ކިޓްތައް ހަދިޔާ ކުރި ރަސްމިއްޔާތުގެ ތެރެއިން
ޔުނިވަރސަލް އެންޓަޕްރައިސަސްގެ ފަރާތުން 10،000 ޓެސްޓްކިޓް ހަދިޔާ ކޮށްފިއެވެ.
ލެބޯޓްރީ ޓެސްޓު ކުރުން އިތުރަށް ހަރުދަނާ ކުރުމަށް އެހީތެރިވުމުގެ ގޮތުން ޔުނިވަރސަލް އެންޓަޕްރައިސަސްގެ ފަރާތުން މީގެ ކުރިން ވެސް 20،000 ވުރެ ގިނަ ޓެސްޓް ކިޓް ހެލްތް މިނިސްޓްރީއަށް ހަދިޔާ ކޮށްފައިވެއެވެ.
ހޮނިހިރު ހަދިޔާ ކުރި މި ޓެސްޓް ކިޓްތަކާއި ހަވާލުވެވަޑައިގެންނެވީ ވަގުތީ ގޮތުން ހެލްތް މިނިސްޓްރީން ހިންގެވުމާ ހަވާލުވެ ހުންނެވި މިނިސްޓަރ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރ މުޙައްމަދު އަސްލަމެވެ.
ޔުނިވަރސަލްގެ ފަރާތުން ކޮވިޑް-19 ގެ ބަލި މަޑުކަމުން އަރައިގަތުމަށް ރާއްޖެއިން ކުރަމުންގެންދާ ވަރަށް ބޮޑު އެހީތެރިކަމެއް ދަނީ ފޯރުކޮށްދެމުންނެވެ. އެގޮތުން މި ޕެންޑަމިކްގެ ތެރޭގައި މިހާތަނަށް 30،000ށްވުރެ ގިނަ ޓެސްޓް ކިޓް ވަނީ ހަދިޔާ ކޮށްފައެވެ.
ހެލްތް މިނިސްޓްރީން ވަނީ ޔުނިވަރސަލްގެ ފަރާތުން ލިބެމުންދާ އެހީތެރި ކަމާއި އެއްބާރުލުން ފާހަގަ ކުރައްވާ ޝުކުރު އަދާކޮށްފައެވެެ.
ދިވެހިރާއްޖެއިން ކޮވިޑް-19 ބައްޔާއި ދެކޮޅަކަށް ކުރަމުންދާ މަސައްކަތްތަކަށް ދުނިޔޭގެ އެކި ގައުމުތަކާއި ޖަމްއިއްޔާތަކުންނާއި އަމިއްލަ ކުންފުނިތަކުން ދަނީ ދީލަތި އެހީތެރިކަން ފޯރުކޮށްދެމުންނެވެ.
މިގޮތުން ފަންނީ އެހީތެރިކަމުގެ އިތުރަށް، ދިވެހިރާއްޖޭގެ އެކި ސަރަޙައްދުތަކުގައި މި ބައްޔަށް ޓެސްޓު ކުރުމުގެ އިންތިޒާމުތައް ހަމަޖެއްސުމަށް ވާންޖެހޭ އެހީތެރިކަމާއި، އެކިކަހަލަ އާލާތްތައް ހޯދުމުގައި ވެސް އެކި ފަރާތްތަކުން އަންނަނީ މެދުކެނޑުމެއްނެތި އެހީތެރިކަން ފޯރުކޮށްދެމުންނެވެ.
