ކ. މާލެ
|
4 ސެޕްޓެންބަރ 2020 | ހުކުރު 11:21
މޯލްޑިވިއަންގެ ފްލައިޓެއް
މޯލްޑިވިއަންގެ ފްލައިޓެއް
މޯލްޑިވިއަން
މޯލްޑިވިއަން އިން ޓްރިވެންޑްރަމްއަށް ދަތުރުފެށުން
މޯލްޑިވިއަން އިން ޓްރިވެންޑްރަމްއަށް ދަތުރުތައް ފަށަނީ
 
ދެކޮޅު ޓިކެޓުގެ އަގަކީ 325 ޑޮލަރު
 
ދަތުރުތައް ފެށުމަށް ހަަމަޖެހިފައިވަނީ ސެޕްޓެމްބަރު 10 ގައި

ގައުމީ އެއަރލައިން މޯލްޑިވިއަން އިން އިންޑިއާގެ ޓްރިވެންޑްރަމްއަށް އަލުން ދަތުރުތައް ފެށުމަށް ނިންމައިފިއެވެ.

މޯލްޑިވިއަން އިން ބުނީ އެ އެއަރލައިން އިން ޓްރިވެންޑްރަމް އަށް ފަށާ ޝެޑިއުލް ދަތުރުތައް ފެށުމަށް ހަމަޖެހިފައިވަނީ މިހިނގާ ސެޕްޓެމްބަރުހުގެ 10 ގައި ކަމަށެވެ.

ހަފްތާއަކު ދެ ދަތުރު ކުރުމަށް ހަމަޖެހިފައިވާ އިރު، މި ފްލައިޓްތައް އޮޕަރޭޓް ކުރުމަށް ހަމަޖެހިފައިވަނީ ބުރާސްފަތި އަދި ހޮނިހިރު ދުވަހުއެވެ.

ދެކޮޅު ޓިކެޓްގެ އަގަކީ 325 ޑޮލަރު ކަމަށް މޯލްޑިވިއަން އިން މައުލޫމާތު ދެއެވެ.

މޯލްޑިވިއަން އިން ޓްރިވެންޑްރަމް އަަށް ދަތުރުތައް އަލުން ފަށާއިރު ދަތުރުގެ ހުރިހާ މަރުހަލާއެއްގައި ކަމާބެހޭ ފަރާތްތަކުން ކަނޑައަޅާފައިވާ އުސޫލުތަކާއި އެއްގޮތަށް އަމަލުކުރުމަށް އެ އެއަރލައިންއިން ވަނީ އެދިފައެވެ.

ޓްރިވެންޑްރަމަށް ދަތުރުކުރަން އެދޭ ފަރާތްތަކުން އިންޑިއާ ހައިކޮމިޝަން މެދުވެރިކޮށް ވިސާ ހޯދުމަށާއި، ފުރުމުގެ 24 ގަޑިއިރު ކުރިން އިމިގްރޭޝަންގެ "އިމުގާ" ވެބްސައިޓް މެދުވެރިކޮށް ރަޖިސްޓަރ ކުރުމަށް މޯލްޑިވިއަނުން ވަނީ އިލްތިމާސްކޮށްފައެވެ.

މޯލްޑިވިއަން އިން ޓްރިވެންޑްރަމް އަށް ފަށާ މި ޝެޑިއުލް ދަތުރުތަކަކީ ކޮވިޑް-19 އާ ގުޅިގެން ރާއްޖޭގެ ބޯޑަރު ބަންދުކޮށްފައި އޮތުމަށް ފަހު ބޯޑަރު ހުޅުމުން ދަތުރު ފަށާ ފުރަތަމަ މަންޒިލެވެ.

މީގެ ކުރިން ކޮވިޑް-19 އާ ގުޅިގެން ރާއްޖޭގެ ބޯޑަރު ބަންދުކޮށްފައި އޮތް އިރުވެސް މޯލްޑިވިއަން އިން ވަނީ އަވަށްޓެރި ގައުމުތަކުގައި ތާށިވެފައި ތިބި ދިވެހިން ގެނައުމަށާއި ކާގޯ ރާއްޖެ އެތެރެކުރުމަށް ޚާއްސަ ފްލައިޓްތަކެއް އޮޕްރޭޓް ކޮށްފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ހުސައިން ފަރިޔާޒް
0%
0%
0%
0%
0%
0%
ކޮމެންޓް
ގުޅުންހުރި