ޖަރުމަނުގެ ގެ އެއްގެ އެޕާޓްމެންޓަކުން ފަސް ކުއްޖަކު މަރުވެފައި ވަނިކޮށް ފެނިއްޖެ
4 ސެޕްޓެމްބަރު 2020 | ހުކުރު 14:50މި ކުދިން މަރުވެފައިވަނީ ކީއްވެ ކަމެއް އަދި ބުނަން ނޭނގޭ
ސޮލިންގެން ސިޓީގެ އެޕާޓްމެންޓަކުން މަރުވެފައިވާ ފަސް ކުޑަ ކުއްޖެއްގެ ހަށިގަނޑު ފެނުން
ޖަރުމަނު ވިލާތުގެ ސޮލިންގެން ސިޓީގެ އެޕާޓްމަންޓަކުން މަރުވެފައިވާ ފަސް ކުޑަ ކުއްޖެއްގެ ހަށިގަނޑު ފެނިއްޖެ އެވެ.
ޖަރުމަނުގެ ފުލުހުން ބުނީ ސޮލިންގެން ސިޓީގެ ގެ އެއްގެ އެޕާޓްމެންޓަކުން ފަސް ކުޑަ ކުޖެއްގެ މަރުވެފައިވާ ހަށިގަނޑު ފެނިފައިވާ ކަމަށާއި، މި ކުދިން މަރުވެފައިވަނީ ކީއްވެ ކަމެއް އަދި ބުނަން ނޭނގޭ ކަމަށެވެ.
ފުލުހުން އިތުރަށް ބުނީ ފަސް ކުދިންގެ ހަށިގަނޑުގެ ބޭރު ފުށަށް އަނިޔާއެއް ފެންނަން ނެތް ކަމަށާއި، ބޮޑަށް ލަފާ ކުރެވެނީ މި ފަސް ކުދިން ވެސް މަރުވެފައިވަނީ އޯވާޑޯސް ވެގެން ކަމަށެވެ.
ފުލުހުން ބުނީ މިި ހާދިސާގެ ތުހުމަތު އެ ކުދިންގެ މަންމަ އަށް ކުރެވޭ ކަމަށާއި، އެ ގޭގައި ތިބި ފަސް ކުދިން މަރުވި ނަމަވެސް ހަވަނަ ކުއްޖާ ސަލާމަތްވި ކަމަށެވެ.
ޖަރުމަނުގެ މީޑިއާތަކުން ރިޕޯޓްކޮށްފައިވާ ގޮތުގައި މަރުވެފައިވާ ފަސް ކުދިންނަކީ އުމުރުން 15 އަހަރާއި 17 އަހަރާއި ދެމެދު ކުދިން ކަމަށެވެ.
ފުލުހުން ބުނީ މި ހާދިސާގެ ތަހުގީގަށް ކުދިންގެ ބެލެނިވެރިން މިހާރު ވަނީ ހައްޔަރު ކުރެވިފައި ކަމަށެވެ.
