މިމަހުން ފެށިގެން ހިތުގެ ބަލިތަކުގެ ޚާއްސަ ޑޮކްޓަރެއްގެ ޚިދުމަތް އެމްބީއެސްއިން ލިބޭނެ:ހެލްތް މިނިސްޓްރީ
3 ސެޕްޓެމްބަރު 2020 | ބުރާސްފަތި 01:53ތެލެސީމިއާ ކުދިންގެ އެހެނިހެން ބަލިތައް އަވަހަށް ދެނެގަނެވޭނެ
ތެލެސީމިއާ ސެންޓަރުގައި މީހަކު ލޭ ހަދިޔާ ކުރަނީ، އެސެންޓަރުން ދޭ ޚިދުމަތްތައް އިތުރަށް ހަރުދަނާ ކުރުމަށް ހެލްތް މިނިސްޓްރީން ދަނީ މަސައްކަތް ކުރަމުން
ކުޑަކުދިންގެ ހިތުގެ ބަލިތަކުގެ ޚާއްސަ ޑޮކްޓަރެއްގެ ޚިދުމަތް ކޮންމެ މަހެއްގެ ފުރަތަމަ ހަފްތާގައި މޯލްޑިވިއަން ބްލަޑް ސާވިސަސް (އެމްބީއެސް)އިން ލިބޭނެ ކަމަށް ހެލްތް މިނިސްޓްރީން ބުނެފިއެވެ.
ހެލްތް މިނިސްޓްރީން ބުނީ ކުޑަކުދިންގެ ހިތުގެ ބަލިތަކުގެ ޚާއްސަ ޑޮކްޓަރެއް 02 ސެޕްޓެމްބަރ އިން ފެށިގެން ކޮންމެ މަހެއްގެ ފުރަތަމަ ހަފްތާގައި މޯލްޑިވިއަން ބްލަޑް ސާވިސަސްގައި ތެލެސީމިއާ ކުދިން ބައްލަމުން ގެންދާނެ ކަމަށެވެ.
ހެލްތް މިނިސްޓްރީން ބުނީ މިއީ ތެލެސީމިއާ ކުދިން ފަރުވާ ހޯދަމުންދާއިރު، އެކަމުގެ ސަބަބުން ހުށަހެޅޭ އެހެނިހެން ބަލިތައް އަވަހަށް ދެނެގަނެ ދުރާލާ އެކަމަށް ފަރުވާ ކުރުމަށް ކުރެވޭ މަސައްކަތުގެ ތެރެއިން ފެށިގެން ދިޔަ ވަރަށް މުހިންމު ކަމެއް ކަމަށެވެ. އަދި މިއީ ލިބުނު ވަރަށް ބޮޑު ކުރިއެރުމެއްގެ ގޮތުގައި މިނިސްޓްރީން ވަނީ ސިފަ ކުރައްވާފައެވެ.
އެމްބީއެސްއަށް ކުޑަކުދިންގެ ހިތުގެ ބަލިތަކުގެ ޚާއްސަ ޑޮކްޓަރެއްގެ ޚިދުމަތް ދޭން ނިންމާފައިވާއިރު، ތެލެސީމިއާ ކުދިންނަށް ދޭންޖެހޭ އެކަށީގެންވާ ފަރުވާ ނުލިބޭ ކަމަށް ބައެއް ފަރާތްތަކުން ދަނީ ބުނަމުންނެވެ.
އެގޮތުން ކޮވިޑް-19ގެ ހާލަތާ ގުޅިގެން ވެސް ލޭ ލިބުމުގައި ވަރަށް ބޮޑެތި ދަތިތަކާއި ކުރިމަތިލާން ޖެހުނެވެ.
