ޔުނައުޓެޑް އަރަބް އެމިރޭޓްސް އިން ޕާކިސްތާންއަށް 4 މިލިއަން ދިރުހަމް ހަދިޔާކޮށްފި

ޔުނައިޓެޑް އަރަބިކް އެމިރޭޓްސް (ޔޫ.އައި.އޭ) އިން ޕާކިސްތާނުގެ ކަރާޗީއަށް ބޯކޮށް ވާރޭވެހި މަގުތަކުގައި ފެންބޮޑުވެ، ހާލުގައި ޖެހިފައިވާ މީހުންނަށް އެހީވުމަށް 4 މިލިއަން ދިރުހަމް ހަދިޔާކޮށްފިއެވެ.

ހަލީޖްޓައިމްސް އިން ކޮއްފައިވާ ޓުވީޓްގައި އިތުރައް ހާމަކޮއްފައިވާ ގޮތުގައި 4 މިލިއަން ދިރުހަމުގެ އިތުރުން ޚަލީފާ ފައުންޑޭޝަންއިން އިތުރު ބައެއްތަކެތި ވެސް ވަނީ ހަދިޔާކޮށްފައެވެ. އެގޮތުން ބޭސް, ޓެންޓު, ގައިގާ އަޅާ ރަޖާގެ އިތުރުން ކުޑަކުދިންއަށް ކާންދޭ ފޯމިއުލާ ފަދަ ތަކެތި 75000 މީހުންނަށް ވަނީ ހަދިޔާ ކޮށްފައެވެ.

މިތަކެތި ހަދިޔާކޮށްފައިވަނީ ރަސްގެފާނު ޝެއިޙް ޙަލީފާ ބިން ޒައިދް އަލް ނަހްޔާންއާއި, ޝާހީ ދަރިކަލުން އަމީރު ޝެއިޙް މުހައްމަދު ބިން ޒައިދް އަލް ނަހްޔާންއާއި, އަބޫދާބީގެ ޝަހީ ދަރިކަލުންނާއި އަދިވެސް ޔޫ.އައި.އޭގެ އިތުރު ބައެއް އިސް ވެރިންގެ ހާއްސަ ބެއްލެވުމުގެ ދަށުންނެވެ. ޙަލީފާ ފައުންޑޭޝަންއިން މިފަދައިން މީގެ ކުރިން ވެސް ދުނިޔޭގެ އެކި ގައުމު ތަކަށް އެހީ ވެދެއްވާފައިވެއެވެ.

ޕާކިސްތާނުގެ މީޑިއާ ތަކުން ރިޕޯޓް ކޮށްފައިވާ ގޮތުގައި ކަރާޗީގެ މަގުތަކުގައި ފެން ބޮޑުވެ ކޯރު ހެދިފައިވާއިރު، ބައެއް ގެތަށް ވަނީ ފެނު އަޑީގައެވެ. މީޑިއާތަކުން ރިޕޯޓްކޮށްފައިވާ ގޮތުގައި މިއީ މިދިޔަ 89 އަހަރު ތެރޭގައި ކަރާޗީއަށް ރެކޯޑް މިންވަރަކަށް ވާރޭ ވެހުނު ފުރަތަމަ ފަހަރެވެ.