ކ. މާލެ
|
15 އޭޕްރިލް 2017 | ހޮނިހިރު 22:59
މެޗުގެ ކުރިން ބޭއްވި ޕްރެސްގެ ތެރެއިން، ބަޔާން މިއުނިކް ގެ ކޯޗް އެންޗެލޮޓީ
މެޗުގެ ކުރިން ބޭއްވި ޕްރެސްގެ ތެރެއިން، ބަޔާން މިއުނިކް ގެ ކޯޗް އެންޗެލޮޓީ
ގޫގުލް
ޖަރުމަނު ލީގު
ބޯޓެންގް އާއި ހަމެލްސް ތިބީ އަނިޔާގައި: އެންޗެލޮޓީ
 
ބަޔާނުން އޮތީ 10 ޕޮއިންޓުގެ ލީޑަކާއެކު ތާވަލުގެ 1 ވަނައިގަ
 
ރެއާލް އާއި ދެކޮޅަށް ކުޅޭ މެޗަށް މިކުޅުންތެރިން ފިޓު ވާނެ ކަމަށް ޓީމުން ބުނޭ

ބަޔާ ލެވަކޫސަންއާ ދެކޮޅަށް ހޮނިހިރު ދުވަހުގެ ރޭ ކުޅޭ މެޗުގައި ބަޔާން މިއުނިކުގެ ދެ ޑިފެންޑަރުން ކަމަށްވާ ބޯޓެންގް އާއި ހަމެލްސްއަށް ނުކުޅެވޭނެ ކަމަށް އެޓީމުގެ ކޯޗު ކާލޯ އެންޗޮލެޓީ ބުނެފިއެވެ.

މެޗުގެ ކުރިން ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަމުން އެންޗޮލެޓީ ބުނެފައިވަނީ ލެވަކޫސަންއާ ދެކޮޅަށް ކުޅޭ މެޗުގައި ހަމެލްސް އާއި ބޯޓެންގަށް ލިބިފައިވާ އަނިޔާގެ ސަބަބުން ނުކުޅެވޭނެ ކަމަށެވެ.

އެންޗޮލެޓީ ބުނެފައި ވަނީ ބޯޓެންގެ ފަލަމަސްގަނޑަށް އަނިޔާވެފައިވާ ކަމަށާ ނަމަވެސް އަންގާރަ ދުވަހު ޗެމްޕިއަންސް ލީގުގެ ކުއާޓާ ފައިނަލުގެ ދެވަނަ ލެގުގައި ރެއާލް މެޑްރިޑާ ދެކޮޅަށް ކުޅޭ މެޗުގައި އޭނާ ކުޅޭނެ ކަމަށެވެ.

ފައިގެ ކުޑަ ހުޅަށް ލިބިފައިވާ އާނިޔާއަކާއި ގުޅިގެން ރެއާލް މެޑްރިޑާ ދެކޮޅަށް ކުޅުނު ފުރަތަމަ ލެގުގައިވެސް ހަމެލްސް ކުޅެފައެއް ނުވެއެވެ. ނަމަވެސް އެންޗޮލެޓީ ބުނެފައި ވަނީ ހުކުރު ދުވަހު ކުރިއަށް ގެންދިޔަ ފަރިތަކުރުންތަކުގައި ހަމެލްސް ބައިވެރި ވެފައިވާ ކަމަށެވެ.

އިތުރަށް ވާހަކަ ދައްކަމުން ކޯޗު ބުނީ އަނިޔާގައި ހުރި އެޓީމުގެ މުހިންމު ފޯވާޑް ލެވަންޑޯވްސްކީވެސް ކޮންމެވެސް ވަރަކަށް ފަރިތަކުރުންތަކުގައި ބައިވެރި ވެފައިވާ ކަމަށާ އޭނާގެ ހާލުވެސް ރަނގަޅުވަމުން އަންނަ ކަމަށެވެ.

ބެލެވޭ ގޮތުގައި މި ކުޅުންތެރިންނަށް ލެވަކޫސަން މެޗުން ޖާގަ ނުދެނީ، ރެއާލް މެޑްރިޑާ ދެކޮޅަށް ކުޅޭ މެޗަށް ތައްޔާރުވުމައްޓަކާ އަރާމުކުރަން ވަގުތު ދިނުމަށެވެ. ނަމަވެސް އެންޗޮލެޓީ ބުނެފައި ވަނީ ރެއާލް އާއި ދެކޮޅަށް ކުޅޭ މެޗުގެ ވާހަކަ ދައްކަން ބޭނުން ނުވާ ކަމަށާ މިވަގުތު ހުރިހާ ވިސްނުމެއް ވެސް ހުރީ ލެވަކޫސަން އާއި ދެކޮޅަށް ކުޅޭ މެޗުން ތިން ޕޮއިންޓް ހޯދުމަށް ކަމަށެވެ.

ޖަރުމަނު ލީގުގެ ތާވަލަށް ބަލާއިރު ބަޔާން މިވަގުތު އޮތީ 10 ޕޮއިންޓުގެ ލީޑަކާއެކު އެއްވަނަ މާގާމުގައެވެ. އެޓީމުން ވަނީ މިހާތަނަށް ލީގުގައި 28 މެޗު ކުޅެ 68 ޕޮއިންޓް ހޯދާފައެވެ. އަދި ދެވަނައިގައި އޮތް ކީޕްޒިންގަށް 58 ޕޮއިންޓް ލިބިފައިވާއިރު، އެޓީމު ވެސް ވަނީ ބަޔާނާ އެއްވަރަށް މެޗު ކުޅެފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އިސްމާއިލް ނާއިލް ނަޝީދު
0%
0%
0%
0%
0%
0%
ކޮމެންޓް