އުރީދޫ އިން ސެމްސަންގް ގެލެކްސީ ނޯޓް20 އަދި ނޯޓް20 އަލްޓްރާގެ ހާއްސަ އޮފަރތަކެއް

އުރީދޫ މޯލްޑިވްސް އިން ސެމްސަންގުގެ އެންމެ ފަހުގެ ގެލެކްސީ ނޯޓް20 އަދި ނޯޓް20 އަލްޓްރާ، ވަރަށް ހާއްސަ އޮފަރތަކާއެކު ޕްރީ ބުކިންގ ހެދުމަށް ހުޅުވާލައިފިއެވެ.

ސެމްސަންގް ގެލެކްސީ ނޯޓްގެ މި އައު ފޯނުތަކަކީ ނިއު ނޯމަލް ގެ ހާލަތާ އެކަށޭނެ ގޮތަށް، މަސައްކަތް ކުރުމުގައި އަދި މުނިފޫހިފިލުވުމުގައި ވެސް ޕަވަރ ފޯނެއްގެ ގޮތުގައި ސެމްސަންގް އިން ސިފަކޮށްފައިވާ ކަމަށް އުރީދޫއިން ބުނެއެވެ.

އުރީދޫ އިން ބުނީ މި ހާއްސަ އޮފަރގެ ތެރެއިން ޕްރީ ބުކިންގ ހަދާ ކަސްޓަމަރުންނަށް ކޮންމެ ސެމްސަންގް ގެލެކްސީ ނޯޓް20 ސީރީޒް ގެ ފޯނަކާއެކު ކޮންމެ މަހަކު 12ޖީބީ ބޯނަސް ޑޭޓާ 6 މަސް ދުވަހަށް މުޅިން ހިލޭ ލިބިގެންދާނެ ކަމަށެވެ. މީގެ އިތުރުން ޕްރީ އޯޑަރ ކުރައްވާ ކޮންމެ ސެމްސަންގް ގެލެކްސީ ނޯޓް20 އަލްޓްރާ އަކާއެކު ގެލެކްސީ ބަޑްސް ލައިވްއެއްވެސް މުޅިން ހިލޭ ލިބިގެންދާނެ ކަމަށާއި ސެމްސަންގް ގެލެކްސީ ނޯޓް20 ސީރީޒްގެ ފޯނެއް ޕްރީ ބުކް ކުރައްވާ އުރީދޫ ކަސްޓަމަރުންނަށް، މިހާރު ގެންގުޅުއްވާ ސިމް، އީސިމް އަކަށް އަޕްގްރޭޑް ކުރުމުގެ ފުރުސަތު ވެސް މުޅިން ހިލޭ ލިބިގެންދާނެ ކަމަށް އުރީދޫ އިން ފާހަގަކުރެއެވެ.

އެގޮތުން ސެމްސަންގް ގެލެކްސީ ނޯޓް20 ގައި 256 ޖީބީގެ ސްޓޯރޭޖެއް ހިމެނެއެވެ. މިސްޓިކް ބްރޮންޒް ކުލައިގެ މިފޯނުގެ އަގަކީ 18,499 ރުފިޔާއެވެ. އަދި މިސްޓިކް ބްލެކް ކުލައިގެ ސެމްސަންގް ގެލެކްސީ ނޯޓް20 އަލްޓްރާ ގައި 256 ޖީބީ ހިމެނޭ އިރު، މިފީނުގެ އަގަކީ 23,399 ރުފިޔާއެވެ.

މިއަދު ޕްރީ ބުކް ކުރުމަށް ހުޅުވާލި ސެމްސަންގް ގެލެކްސީ ނޯޓް20 ސީރީޒް ގެ މި ފޯނުތައް އުރީދޫގެ އީ ކޮމަރސް ޕްލެޓްފޯރމް މޫލީ މެދުވެރިކޮށް ޕްރީބުކް ކުރުމުން ރާއްޖޭގެ ކޮންމެ ހިސާބަކަށްވެސް މުޅިން ހިލޭ ގެންގޮސްދެވޭނެ ކަމަށް އުރީދޫއިން ފާހަގަކުރެއެވެ.