ރޭ ހުޅުމާލެއިން ނިޔާވި 21 އަހަރުގެ އަންހެން ކުއްޖާ ކޮވިޑަށް ޕޮޒިޓިވް!
29 އޯގަސްޓު 2020 | ހޮނިހިރު 07:10އަންހެން ކުއްޖާ ނިޔާވެފައިވަނީ ރޭގެ ވަގުތެއްގައި
ހުޅުމާލެ ހޮސްޕިޓަލް
ރޭ ހުޅުމާލެއިން ނިޔާވި 21 އަހަރުގެ ކުއްޖާ ކޮވިޑް-19ށް ޕޮޒިޓިވްކަމަށް އެޗްއީއޯސީން ބުނެފިއެވެ.
ހުކުރު ދުވަހުގެރޭ 23:42ހާއިރު ހުޅުމާލެ ހޮސްޕިޓަލަށް އުމުރުން 21 އަހަރުގެ އަންހެނެއް ގެންދިޔައިރު ނިޔާވެފައިވުމާއި ގުޅިގެން އެ ހޮސްޕިޓަލުން ވަނީ އެ ހާދިސާ ފުލުހުންނަށް ރިޕޯޓުކޮށްފައެވެ. މައުލޫމާތު ލިބިފައިވާ ގޮތުގައި އެ އަންހެއްކުއްޖާ ހޮސްޕިޓަލަށް ގެންދިޔައީ ސްޓްރޯކެއް ޖެހިހެންނެވެ.
ކޮވިޑް-19 ރާއްޖޭގައި ހަލުވިކަމާއި އެކު ފެތުރެމުން ދާތީ ކުއްލި ގޮތަށް މަރުވާ މީހުންގެ ސާމްޕަލްތައް ނަގައި ކޮވިޑަށް ޓެސްޓްކުރާ އުސޫލެއް އެޗްޕީއޭއިން ވަނީ އެކުލަވާލައިފައެވެ. ރާއްޖެއިން މިހާތަނަށް ކޮވިޑް ޖެހިގެން 28 މީހަކު ނިޔާވެފައިވާއިރު އެޗްއީއޯސީން ބުނީ ރޭ ނިޔާވި ކުއްޖާގެ ކޭސް ކޮވިޑްގެ މަރެއްގެ ގޮތުގައި ނުބަލާނެކަމަށެވެ.
ފުލުހުން ދަނީ މި މައްސަލަ އިތުރަށް ތަހުގީގުކުރަމުންނެވެ.
