ކ. މާލެ
|
27 އޯގަސްޓް 2020 | ބުރާސްފަތި 15:24
ސަފާރީއެއް
ސަފާރީއެއް
ފޭސްބުކް
ސަފާރީ
75 ސަފާރީއެއް އޮޕަރޭޓްކުރަން ފަށައިފި
 
ހުއްދަ ދިނުމުގެ ކުރިން ސަފާރީ އިން ސަލާމަތާއި ރައްކާތެރިކަމުގެ މިންގަނޑުތައް ގެންގުޅޭ ގޮތް ބަލައި ފާސްކުރޭ
 
އޮޕަރޭޓް ކުރުމުގެ ހުއްދަ ދެނީ ސަރުކާރުން ކަނޑައަޅާފައިވާ މިންގަނޑުތަކަށް ފެތޭތޯ ބެލުމަށް ފަހު
 
އޮޕަރޭޓް ކުރުމުގެ ހުއްދަ ވަނީ 86 ސަފާރީ އަކަށް ދީފަ

ރާއްޖޭގެ 75 ސަފާރީއެއްގެ ހިދުމަތް ދޭން ފަށާފައިވާ ކަމަށް ނެޝަނަލް ބޯޓިން އެސޯސިއޭޝަން އޮފް މޯލްޑިވްސް އިން ބުނެފިއެވެ.

އެންބީއޭއެމް އިން ބުނީ 75 ސަފާރީއެއް އޮޕަރޭޓް ކުރަމުން ދާއިރު، ޖުމްލަ 86 ސަފާރީއަކަށް އޮޕަރޭޓް ކުރުމުގެ ހުއްދަ ޓޫރިޒަމް މިނިސްޓްރީ އިން މިހާރު ދީފައިވާ ކަމަށެވެ. އަދި މިފެށޭ ސެޕްޓެމްބަރު ހުއްދަ ދީފައިވާ 10 ސަފާރީއެއް އޮޕަރޭޓް ކުރަން ފަށާނެ ކަމަށާއި އޮކްޓޯބަރު މަހު ވެސް ސަފާރީއެއް އޮޕަރޭޓް ކުރަން ފަށަން ހަމަޖެހިފައިވާ ކަމަށެވެ.

ފަތުރުވެރިންނަށް ހިދުމަތް ދިނުމުގެ ހުއްދަ ސަފާރީތަކަށް ދޭއިރު، ސަރުކާރުން ކަނޑައަޅާފައިވާ މިންގަނޑުތަކަށް ފެތޭތޯ ބަލާނެއެވެ. އޮޕަރޭޓް ކުރުމުގެ ހުއްދަ އަށް އެދި ޓޫރިޒަމް މިނިސްޓްރީއަށް ޑިކްލެރޭޝަން ފޯމާއި ސަފާރީގެ އޮޕަރޭޓިން ލައިސަންސް އާއި، މީރާގެ ޓެކްސް ކްލިއަރެންސް ފޯމް ހުށައަޅަން ޖެހެއެވެ. އަދި ސަފާރީ އިން ސަލާމަތާއި ރައްކާތެރިކަމުގެ މިންގަނޑުތައް ގެންގުޅޭނެ ގޮތުގެ ޕްލޭންއެއް ވެސް މިނިސްޓްރީ އަށް ހުށަހަޅަން ޖެހެއެވެ.

އެންބީއޭއެމް އިން ވަނީ މީރާއަށް ދައްކަންޖެހޭ އެއްވެސް ޓެކްސް އެއް ވާނަމަ ޓެކްސް ކްލިއަރެންސް ފޯމު ހޯދުމަށް ލަސްތަކާ ކުރިމަތިވުމަކީ އެކަށީގެންވާ ކަމެއްކަމަށާއި ހުއްދަ ހޯދުމުގެ މަރުހަލާގައި ގިނަ ވަގުތު ހޭދަވާތީ ސަފާރީތަކުން ހިދުމަތްދޭން ތާވަލު ކުރާ ތާރީހުގެ ކުރިން ހުއްދަ ހޯދުމަށް އެދި މިނިސްޓްރީ އަށް ހުށަހެޅުމަށް ބުނެފައެވެ.

ސަފާރީތަކުން ފަތުރުވެރިންނަށް ހިދުމަތް ދިނުމަށް ފަށާފައިވާއިރު، ރާއްޖެ އަންނަ ފަތުރުވެރިންގެ ރައްކާތެރިކަން ކަށަވަރު ކުރުމަށް ވަނީ ގިނަ މަސައްކަތްތަކެއް ކޮށްފައެވެ. އެގޮތުން ސަފާރީގައި ޗުއްޓީ ހޭދަކުރަން އަންނަ ފަތުރުވެރިންގެ ޕީސީއާރު ޓެސްޓު ހެދުމުގެ އިންތިޒާމް ހުޅުމާލޭގައި ވަނީ ހަމަޖައްސާފައެވެ. އަދި ސަފާރީތަކުން މީހުން އުޅޭ ރަށްރަށަށް ފޭބުން މަނާކޮށްފައިވާއިރު، ރަށްރަށުން މީހުން ސަފާރީތަކަށް އެރުން ވެސް ވަނީ މަނާކޮށްފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ސިމާހާ ނަސީމް
0%
0%
0%
0%
0%
0%
ކޮމެންޓް