މާފަރު އެއަރޕޯޓުގައި ބޯޑަރ ކޮންޓްރޯލް ނިޒާމް ގާއިމުކޮށްފި
27 އޯގަސްޓު 2020 | ބުރާސްފަތި 02:04މި މަސައްކަތްތައް ފުރިހަަމަކޮށްފައިވަނީ މި މަހުގެ 19 ވަނަ ދުވަހު
ނ.މާފަރު އެއަރޕޯޓުގެ ރަންވޭގައި ފްލައިޓެއް ޖައްސަނީ، އެއަރޕޯޓު އިތުރަށް ތަރައްގީ ކުރުމަށް ދަނީ މަސައްކަތްތައް ކުރަމުން
ނ. މާފަރު އިންޓަރނޭޝަނަލް އެއަރޕޯޓުގައި ބޯޑަރ ކޮންޓްރޯލް ނިޒާމް ގާއިމުކޮށް ނިންމާލައިފިއެވެ.
މިނިސްޓްރީ އޮފް ކޮމިއުނިކޭޝަން، ސައެންސް އެންޑް ޓެކްނޮލޮޖީން ބުނީ މާފަރުގައި ތަރައްގީ ކުރެވުނު އިންޓަރނޭޝަނަލް އެއަރޕޯޓުގައި ފަތުރުވެރިންގެ ކަންކަން ބެލެހެއްޓުމަށް ބޯޑަރ ކޮންޓްރޯލް ނިޒާމުގެ މަސައްކަތް މިނިސްޓްރީ، އެންސީއައިޓީގެ މުވައްޒަފުން ފުރިހަމަކޮށް ނިންމާފައިވާ ކަމަށެވެ.
މި މަސައްކަތްތައް ފުރިހަަމަކޮށްފައިވަނީ މި މަހުގެ 19 ވަނަ ދުވަހު ކަމަށް ވެސް އެމިނިސްޓްރީން ބުނެއެވެ.
ބޯޑަރ ކޮންޓްރޯލް ނިޒާމް މާފަރުގައި ގާއިމުކުރެވުމާއިއެކު ބައިނަލްއަގުވާމީ ފެންވަރުގައި ހުރިހާ ވައިގެ ބަނދަރުތަކުގައި އަދި ކަނޑުގެ ބަނދަރުތަކުގައި މިޚިދުމަތް ފުރިހަމައަށް ލިބެން ހުންނާނެއެވެ.
ރައީސް އިބްރާހިމް މުހައްމަދު ސާލިޙްގެ ވެރިކަމުގައި ހަރުދަނާކޮށް ނިމިފައިވާ ބޯޑަރ ކޮންޓްރޯލް ނިޒާމަކީ އެންމެ ފަހުގެ ތަރައްގީ އާއި އެކުގައި މަސައްކަތްކުރާ ނިޒާމެކެވެ. މި ނިޒާމް ގާއިމުކުރުމުން ރާއްޖެއަށް އަންނަ ފަތުރުވެރިންނަށް ފަސޭހައިން މާފަރަށް ދަތުރުކުރެވޭނެ ގޮތް ވުމަކީ ގައުމުގެ މިވަގުތު ހާލަތަށް ބަލާއިރު ލިބޭނެ އެންމެ ބޮޑު އެއް ފަސޭހަ ކަމަށް މިނިސްޓްރީން ބުނެއެވެ.
މިނިސްޓްރީ އޮފް ކޮމިއުނިކޭޝަން، ސައެންސް އެންޑް ޓެކްނޮލޮޖީން ބުނީ މި ހަރުކުރެވުނު އާލާތްތައް ބޭނުންކުރަމުންދާއިރު އިތުރު މަސައްކަތްތަކަށް އެންސީއައިޓީގެ ފަރާތުން ދޭންޖެހޭ ހުރިހާ އެހީތެރިކަމެއް ލިބޭނެ ކަމަށާއި، މާފަރު އެއަރޕޯޓުގައި މި ނިޒާމް ގާއިމުކުރެވިގެން ދިއުން އެއީ ލިބުނު ވަރަށް ބޮޑު ކުރިއެރުމެއް ކަމަށެވެ.
