މަސް ވެރިކަމަށް ގޮސް އުޅުން ޒުވާނަކަށް ޒަހަމްތަކެއް ލިބިއްޖެ
ޒަހަމްވެފައިވަނީ ދޯނީގެ ބުރަފަތީގައި އޮޅުނު ވަލެއް ނެއްޓުމަށްޓަކައި އުޅެނިކޮށް
ރޯޅި ދޯނި
މަސް ވެރިކަމަށް ގޮސް އުޅުނު އުމުރުން 25 އަހަރުގެ ޒުވާނަކަށް ޒަހަމްތަކެއް ލިބިއްޖެއެވެ.
މޯލްޑިވްސް ނެޝެނެލް ޑިފެންސް ފޯސް (އެމްއެންޑީއެފް) އިން ބުނީ ގދ. ތިނަދޫގެ 16 ނޯޓިކަލް މޭލު އިރުން 25 މީހުންނާއެކު ދަތުރު ކުރަމުންދިޔަ ރޯޅި ނަމަކަށް ކިޔާ ދޯނީގައި ދަތުރުކުރި މި ޒުވާނާ ޒަހަމްވެފައިވަނީ ދޯނީގެ ބުރަފަތީގައި އޮޅުނު ވަލެއް ނެއްޓުމަށްޓަކައި އުޅެނިކޮށް ކެޔޮޅު އަތުން އޮޅިގެން ގިޔަރަށް ލެވިގެން ކަމަށެވެ.
އެގޮތުން އެ ޒުވާނާ ބުރަފަތީގައި ޖެހި ފައިގެ ފަލަމަސްގަނޑު ޒަހަމްވެގެން އެމްއެންޑީއެފްގެ ސަދަން އޭރީއާ ކޯސްޓްގާޑުގެ އެހީތެރިކަމާއެކު ގދ. ތިނަދޫ ހޮސްޕިޓަލަށް ގެންގޮސްފައިވާ ކަމަށެވެ.
މި ހާދިސާގެ ރިޕޯޓް އެމްއެންޑީއެފް އަށް ލިބިފައިވަނީ އަންގާރަ ދުވަހުގެ ހެނދުނު 06:25 ހާއިރުއެވެ.
