ރ. ވަންދޫ ބަނދަރު މަރާމާތު ކުރުމުގެ 35 އިންސައްތަ މަސައްކަތް ނިމިއްޖެ
މަޝްރޫޢު ހަވާލުކޮށްފައިވަނީ 26 އޮގަސްޓް 2019 ގައި
ސިމާހާ ނަސީމް, ރާއްޖެ އެމްވީ | 24 އޯގަސްޓު 2020 | ހޯމަ 09:05
ރ. ވަންދޫ ބަނދަރު މަރާމާތު ކުރުމުގެ މަސައްކަތް
ރ. ވަންދޫ ބަނދަރު މަރާމާތު ކުރުމާއި ފުންކުރުމުގެ މަޝްރޫއުގެ 35 އިންސައްތަ މަސައްކަތް ނިމިއްޖެއެވެ.
މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އިން ކުރި ޓުވީޓެއްގައި ބުނެފައިވަނީ ރ.ވަންދޫ ބަނދަރުގެ މިހާރު ކުރިއަށް ދަނީ އެއްގަމު ތޮށީގެ ގައު އެތުރުމުގެ މަސައްކަތް ކަމަށެވެ. އަދި މި މަޝްރޫޢުގެ ދަށުން 1،870 ކިއުބިކް މީޓަރުގެ ހާބަރ ބޭސިން ފުންކުރުމާއި، 75 މީޓަރުގެ ސަރަހައްދެއްގައި އެއްގަމު ތޮށި ލުމުގެ މަސައްކަތް ހިމެނޭ ކަމަށެވެ.
މި މަޝްރޫޢު ހަވާލުކޮށްފައިވަނީ 26 އޮގަސްޓް 2019 ގައެވެ. އެމްޓީސީސީން ހަވާލު ވެފައިވާ މި މަޝްރޫޢުއަށް 5.99 (ފަހެއް ޕޮއިންޓު ނުވަދިހަނުވަ) މިލިއަން ރުފިޔާ ހޭދަވާނެ ކަމަށް އެ ކުންފުނިން ހާމަ ކޮށްފައިވެއެވެ.
