ކޮވިޑް-19 ޖެހިގެން އިތުރު މީހަކު ރާއްޖެއިން ނިޔާވެއްޖެ، މިއީ 27 ވަނަ މަރު
24 އޯގަސްޓު 2020 | ހޯމަ 08:38އެމީހާ ނިޔާވީ އައިޖީއެމްއެޗްގައި ފަރުވާދެމުން ދަނިކޮށް
އުމްނާ އިސްމާއިލް | 24 އޯގަސްޓު 2020 | ހޯމަ 08:38
އިންދިރާ ގާންދީ މެމޯރިއަލް ހޮސްޕިޓަލް
ކޮވިޑް-19 ޖެހިގެން އުމުރުން 79 އަހަރުގެ ފިރިހެނަކު ނިޔާވެއްޖެއެވެ.
ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ބުނީ އޭނާ ނިޔާވީ ރޭ ދަންވަރު 02:45 ހާއިރު އައިޖީއެމްއެޗް ގެ އިމަރޖެންސީ ރޫމްގައި ފަރުވާދެމުންދަނިކޮށް ކަމަށެވެ.
މިއާއެކު ރާއްޖެއިން ކޮވިޑް-19 ޖެހިގެން ނިޔާވި މީހުންގެ އަދަދު ވަނީ 27ށް އަރާފައެވެ.
އެޗްޕީއޭއިން އެންމެ ފަހުން ހާމަކޮށްފައިވާ ތަފާސްހިސާބުތައް ދައްކާ ގޮތުން މިވަގުތު ފަރުވާ ދެމުން ދަނީ 2531 މީހަކަށެވެ. އަދި މީގެ ތެރެއިން 162 މީހަކަށް ފަރުވާ ދެމުން ދަނީ ހޮސްޕިޓަލުގައި އެޑްމިޓް ކޮށްގެންނެވެ.
