ކޮވިޑް-19 ފެތުރުން ކޮންޓްރޯލް ކުރަން ފިޔަވަޅުތައް ހަރުކަށި ކުރަނީ އެއްވެސް ބަޔަކަށް ދަތިތަކެއް ކުރިމަތި ކުރުމުގެ ނިޔަތުގައި ނޫން ކަމަށާއި، ފިޔަވަޅުތައް އަޅާނީ އިތުރު ގޮތެއް ނެތިގެން ކަމަށް ޓެކްނިކަލް އެޑްވައިޒަރީ ގްރޫޕް (ޓެގް) އިން ބުނެފިއެވެ.
ކޮވިޑާ ގުޅިގެން މާލެ ސަރަހައްދުގައި އަޅާފައިވާ ފިޔަވަޅުތައް ހަރުކަށި ކުރަން ނިންމި ނިންމުމާއި އެކު އާއްމުންގެ ފާޑުކިޔުން ވަނީ އިންތިހާ އަށް އިތުރުވެފައެވެ.
އެ ކަންބޮޑުވުންތަކާއި ގުޅިގެން އާދިއްތަ ދުވަހުގެރޭ ހެލްތް އޮޕަރޭޝަން ސެންޓަރ (އެޗްއީއޯސީ) އިން ބޭއްވި ނޫސްވެރިންގެ ބައްދަލުވުގައި ރާއްޖޭގެ ކޮވިޑުގެ ހާލަތާއި ބެހޭ ގޮތުން ކަންބޮޑުވުން ފާޅުކުރައްވަމުން ޓެކްނިކަލް އެޑްވައިޒަރީ (ޓެގް) ގެ ލީޑަރު ޑރ އަލީ ލަތީފް ވިދާޅުވީ، ފާއިތުވި ހަފްތާގައި ރިޕޯޓް ކުރެވުނު ކޭސްތަކުގެ އަދަދުތަކަށް ބަލާއިރު ވެސް މި އަދަދު ތަކަކީ ރާއްޖެ ކަހަލަ އާބާދީ ކުޑަ ގައުމަކަށް ބޮޑު އަދަދު ތަކެއް ކަމަށެވެ. ފާއިތުވި ހަފްތާގައި ވެސް 900ށް ވުރެ ގިނަ މީހުން ޕޮޒިޓިވްވެފައިވާއިރު، އަދަދުތަކާއި މެދު ކަންބޮޑުވުން ފާޅުކުރައްވަމުން ޑރ. އަލީ ލަތީފް ވިދާޅުވީ، ދުވާލަކަށް 200 އެއްހާ މީހުން ޕޮޒިޓިވްވާނަމަ ހޮސްޕިޓަލުތަކުގައި މީހުންނަށް ފަރުވާދޭ ވަރަށް އެނދު ހުއްޓަސް އެކަން މެނޭޖް ނުކުރެވޭނެ ކަމަށެވެ.
ޑރ. ލަތީފް ސިފަކުރެއްވި ގޮތުގައި ގިނަ ދުވަސްތަކަކަށް މަސައްކަތް ކުރުމުގެ ސިއްހީ ދާއިރާގައި މަސައްކަތް ކުރާ ފަރާތްތައް ތިބި ވަރުބަލިވެފައެވެ. ދުނިޔޭގެ ގިނަ ގައުމުތަކުގައި ބަލި ޖެހޭ މީހުން މަރުވަމުންދަނީ އެމީހުންނަށް އެންމެ އެކަށީގެންވާ ފަރުވާ ނުދެވޭތީކަން ފާހަގަ ކުރައްވަމުން އޭނާ ވިދާޅުވީ، މާލެ ގައި ކޭސްތައް ގިނަވެގެންދާނަމަ ޓްރަޔޭޖް ކުރަން ޖެހިދާނެ ކަމަށެވެ.
ޓްރަޔޭޖްގެ މާނައަކީ އެމީހާ ސަލާމަތް ކުރެވޭނެ ކަމަށް ބަލާ ކޮން ބަޔަކުތޯ އަޅުގަނޑުމެން އެޑްމިޓް ކޮށްފައި އޭގެ ތެރެއިން ފަރުވާދޭނީ. އެގޮތަށް ނިންމަން މިހާ ހިސާބަކަށް އަޅުގަނޑުމެން އެބަޖެހޭ އެއްގޮތަކަށްވެސް ޓްރަޔޭޖް ކުރާ ގޮތަކަށް ކޭސްތައް ގިނަވަންޏާ އަޅުގަނޑުމެން ޖެހޭނީ ޓްރަޔޭޖް ކުރަންޑރ. އަލީ ލަތީފް
ޑރ. އަލީ ލަތީފް ވިދާޅުވީ އަލަށް އެޅި ފިޔަވަޅުތަކަކީ ކޭސްތައް މަދު ކުރަން އެޅި ފިޔަވަޅެއް ކަމަށެެވެ. އެޅި ފިޔަވަޅުތަކާއި އެކު ގިނަ އަދަދެއްގެ ބައެއް ހިތްހަމަ ނުޖެހޭ ކަންތައް ހުރި ކަމަށް ޓެގުން ބުންޏެވެ.
މި ފިޔަވަޅުތަކަކީ ހަމަ ހުރެލާފައި އަޅާ ފިޔަވަޅުތަކެއް ނޫން. ވަކި މިންގަނޑުތަކެއް ބަލާފައި އަޅުގަނޑުމެން ފިޔަވަޅު އަޅަނީ، އަޅުގަނޑުމެން ފިޔަވަޅޑރ. އަލީ ލަތީފް
ޑރ. އަލީ ލަތީފް ވިދާޅުވީ، ފިޔަވަޅުތައް އަޅަމުންދަނީ، ފްލޫ ކްލިނިކް އިން ޕޮޒިޓިވްވާ މީހުންގެ އަދަދަށާއި ކޭސްތަކުގެ އަދަދު ޑަބަލްވެގެންދާ އަދަދާއި އެއްވެސް ކޭސްއަކާއި ޕޮޒިޓިވްނުވާ މީހުންގެ އަދަދާއި، އެޑްމިޓްކުރާ މީހުންގެ އަދަދުގެ އިތުރުން ބެޑް ކެޕޭސިޓީ އަށް ބަލާފައި ކަމަށެވެ.
އަލީ ލަތީފް ވިދާޅުވި ގޮތުގައި ކޭސްތަކުގެ އަދަދު އިތުރުވާނަމަ އަލުން ލޮކްޑައުން އަކަށް ދާން ޖެހޭނެ އެވެ. އެކަމަަކު އަދި މިހާރުގެ ހާލަތުން ލޮކްޑައުން އަކަށް ދާން ޖެހޭ ކަމަށް ގަބޫލު ނުކުރައްވާ ކަމަށް ވިދާޅުވިއެވެ. އެކަމަކު މިހާރު އަޅާފައިވާ ފިޔަވަޅުތަކާއި އެކު ލޮކްޑައުން އަކަށް ނުގޮސް ފަރުޖައްސާލެވޭނެ ޔަގީންކަން ޓެގް ޓީމުން ވަނީ ދީފައެވެ.
