މާޅެންދޫ ކައިރިން ބޭރުގެ މަސްބޯޓެއް ފެނިއްޖެ
22 އޯގަސްޓު 2020 | ހޮނިހިރު 08:12ރިޕޯޓް ކޮށްފައިވަނީ 11:31 ހާއިރު
އެމްއެންޑީއެފްގެ ކޯސްޓްގާޑެއް ހަރަކާތްތެރިވަނީ
ނ. މާޅެންދޫ ސަރަހައްދަށް ވަނދެ އުޅުނު ބޭރުގެ މަސް ބޯޓެއް ފެނިގެން އެމްއެންޑީއެފުން ހަރަކާތްތެރިވާން ފަށައިފިއެވެ.
އެމްއެންޑީއެފުން ބުނީ، މާޅެންދޫ ބޭރުން، ބޭރުގެ މަސް ބޯޓެއް ފެނިގެން ރިޕޯޓް ލިބުމާއި ގުޅިގެން އެމްއެންޑީއެފް ސަދަން އޭރިޔާ ކޯސްޓްގާޑުން އެ ސަރަހައްދުގައި ހަރަކާތްތެރިވަމުން އަންނަ ކަމަށެވެ. އެކަމުގެ ރިޕޯޓް އެމްއެންޑީއެފަށް ލިބިފައިވަނީ ހޮނިހިރު ދުވަހު ހެނދުނު 11:31 ހާއިރު، އެ ސަރަހައްދުގައި މަސްވެރިކަން ކުރަން އުޅުނު ''ނާޒް'' ނަމަކަށް ކިޔާ ދޯންޏެއްގެ ފަރާތުން ކަމަށެވެ.
މި ފަދަ ކަންތައްތަކުގައި މަސްވެރިންގެ ފަރާތުން ލިބެމުންދާ އެއްބާރުލުމަށް އެމްއެންޑީއެފުން ވަނީ ޝުކުރު އަދާކޮށްފައެވެ. އެމްއެންޑީއެފުން ބުނީ، މައުލޫމާތު ލިބެމުންދާ ވަރަކަށް ހާމަކުރަމުން ދާނެ ކަމަށެވެ.
