ހޯމް ކަރަންޓީނުގެ އުސޫލުތަކާ ޚިލާފުވި މީހެއްގެ ބަންދަށް 15 ދުވަސް
22 އޯގަސްޓު 2020 | ހޮނިހިރު 03:18ބަންދުގައި ބެހެއްޓުމަށް ނިންމާފައިވަނީ 24 އަހަރުގެ ފިރިހެނެއް
ގއ. ވިލިގިލި ބަނދަރު ސަރަހައްދު
ގއ. ވިލިނގިލީގައި ހޯމް ކަރަންޓީނުގެ އުސޫލުތަކާ ޚިލާފުވި މީހެއްގެ ބަންދަށް 15 ދުވަސް ޖަހައިފިއެވެ.
މޯލްޑިވްސް ޕޮލިސް ސަރވިސް އިން ބުނީ ގއ. ވިލިނގިލި މެޖިސްޓްރޭޓް ކޯޓުން ބަންދުގައި ބެހެއްޓުމަށް ނިންމާފައިވަނީ 24 އަހަރުގެ ފިރިހެނެއް ކަމަށެވެ.
އޭނާ ފުލުހުންގެ ބެލުމުގެ ދަށަށް ގެނައީ ހޯމް ކަރަންޓީނުގެ އުސޫލާ ޚިލާފަށް އޭނާ ކަރަންޓީނު ކޮށްފައި ހުރިތަނުން ބޭރަށް ނުކުމެ، ރަށު ތެރޭގައި އުޅުނު ކަމަށް ތުހުމަތު ކުރެވިގެން ކަމަށް ފުލުހުން ބުންޏެވެ.
ފުލުހުން ބުނީ އޭނާގެ ބަންދާއި މެދު ގޮތެއް ނިމުމަށް ގއ. ވިލިނގިލި މެޖިސްޓްރޭޓް ކޯޓަށް ހުށައެޅުމުން ނިންމާފައިވަނީ 15 ދުވަހަށް ބަންދުގައި ބެހެއްޓުމަށް ކަމަށެވެ.
ރަށްރަށަށް ދާން ބޭނުންވާ މީހުންނަށް ދެވެނީ އެކަމަށް ހާއްސަކޮށްފައިވާ ހުއްދަ އެޗްޕީއޭއިން ނަގައިގެންނެވެ. ރަށްރަށަށްދާ ހުރިހާ އެންމެންވެސް 14 ދުވަހުގެ ކަރަންޓީނުގެ މުއްދަތު ފުރިހަމަ ކުރަން ޖެހެއެވެ.
