މިއަދު ވެސް އުދަ އަރާނެ ކަމަށް ލަފާކޮށް، ބައެއް ހިސާބުތަކަށް ވައިޓް އެލަރޓް ނެރެފި
ވައިޓް އެލާޓް ނެރެފައިވަނީ ކ އަތޮޅުން ފެށިގެން ތ. އަތޮޅަށް
މާލެއަށް އުދަ އަރަނީ: މިއަދުވެސް އުދަ އެރުން އެކަށީގެންވޭ
އުދަ އަރާނެ ކަމަށް ލަފާކޮށް، ކ. އަތޮޅުން ފެށިގެން ތ. އަތޮޅަށް ވައިޓް އެލާޓް ނެރެފިއެވެ.
މޫސުމާ ބެހޭ ގައުމީ އިދާރާއިން ބުނީ މި އަތޮޅުތަކުގެ ދިޔަވަރު ބޮޑުވެ ބައެއް ރަށްރަށަށް އުދަ އެރުން އެކަށީގެންވާ ކަމަށެވެ. އެ ސަރަޙައްދުތަކަށް ދިޔަވަރު ބޮޑުވާނެކަމަށް ބެލެވެނީ، ހޮނިހިރު ދުވަހުގެ ހެނދުނު 10:30އިން މެންދުރު 1:30އާއި ހަމައަށެވެ. ރާޅުގެ އުސްމިން ހުންނާނީ 2 ފޫޓާއި 4 ފޫޓުގައި ކަމަށްވެސް ލަފާކޮށްފައި ވެެއެވެ.
ހުކުރު ދުވަހު ދިޔަވަރުބޮޑުވި ވަގުތުގައި ވެސް ވަނީ މާލެ ސަރަޙައްދަށް ވަރަށް ބޮޑަށް ރާޅު އަރާފައެވެ. އެގޮތުން އާޓިފިޝަލް ބީޗު ސަރަހައްދުންނާއި ރަސްފަންނު ސަރަހައްދުގެ އިތުރުން، ހުޅުމާލެއަށް ދާން އޮންނަ ހައިވޭއާ ސަރަހައްދަށް އުދައިގެ އަސަރު ކޮށްފައިވެއެވެ.
ހޮނިހިރު ދުވަހު އާއްމު ގޮތެއްގައި މުޅި ރާއްޖެއަށް މޫސުން ރަނގަޅުވިނަމަވެސް، ދެކުނުގެ ރަށްތަކަށް ވިއްސާރަ ކުރުން އެކަށީގެން ވެއެވެ. އެވަރެޖްކޮށް ވައިޖެހޭނީ 3 މޭލާއި، 16 މޭލާއި ދެމެދުގެ ބާރުމިނުގައެވެ. ދެކުނަށް މޫސުން ގޯސްވާ ވަގުތުތަކުގައި 35 މޭލަށް ވައިގަދަވުން އެކަށީގެން ވެއެވެ.
މެޓް އޮފީހުން އިތުރަށް ބުނީ ރާއްޖޭގެ ކަނޑުތައް އާދައިގެ ވަރަކަށް މަޑުވެފައި ވިލާނގަޑުގައި އެންމެ ދެކުނު އަތޮޅުތަކުގެ ކަނޑުތައް އަދާއިގެ ވަރަކަށް ގަދަވާނެ ކަަމަށެވެ.
