ރާއްޖެ
ކޮވިޑް-19 ޖެހިގެން އިތުރު މީހަކު ނިޔާވުން
ކޮވިޑް-19 ޖެހިގެން އިތުރު މީހަކު ނިޔާވެއްޖެ، މިއީ 20 ވަނަ މަރު
ނިޔާވީ އަންގާރަ ދުވަހުގެ މެންދުރު 12:20 ހާއިރު
އުމްނާ އިސްމާއިލް, ރާއްޖެ އެމްވީ | 11 އޯގަސްޓު 2020 | އަންގާރަ 10:10
އިންދިރާ ގާންދީ މެމޯރިއަލް ހޮސްޕިޓަލް
ކޮވިޑް-19 ޖެހިގެން ރާއްޖޭގައި އުމުރުން 67 އަހަރުގެ ދިވެހި ފިރިހެނެއް ނިޔާވެއްޖެއެވެ.
ހެލްތު ޕްރޮޓެކްޝަން އޭޖެންސީ، (އެޗްޕީއޭ) އިން ކޮށްފައިވާ ޓުވީޓެއްގައި ވަނީ އޭނާ ނިޔާވީ އަންގާރަ ދުވަހުގެ މެންދުރު 12:20 ހާއިރު، އިންދިރާ ގާންދީ މެމޯރިއަލް ހޮސްޕިޓަލް (އައިޖީއެމްއެޗް)ގެ އިމަރޖއެންސީ ރޫމްގައި ފަރުވާ ދެމުންދަނިކޮށެވެ. އޭނާ ހޮސްޕިޓަލަށް ގެންދެވުނީ ހޯމަ ދުވަހު ކަމަށް ވެސް އެ އޭޖެންސީން ބުންޏެވެ.
މިއީ ކޮވިޑް-19 ޖެހިގެން ރާއްޖެއިން ނިޔާވި 20 ވަނަ މީހާއެވެ. ރާއްޖެއިން މަރުވި މީހުންގެ ތެރޭގައި ގިނައީ އުމުރުން ދުވަސްވީ ދިވެހިންނެވެ.
