ކޮވިޑް-19 ޖެހިގެން ރާއްޖޭގައި އުމުރުން 67 އަހަރުގެ ދިވެހި ފިރިހެނެއް ނިޔާވެއްޖެއެވެ.

ހެލްތު ޕްރޮޓެކްޝަން އޭޖެންސީ، (އެޗްޕީއޭ) އިން ކޮށްފައިވާ ޓުވީޓެއްގައި ވަނީ އޭނާ ނިޔާވީ އަންގާރަ ދުވަހުގެ މެންދުރު 12:20 ހާއިރު، އިންދިރާ ގާންދީ މެމޯރިއަލް ހޮސްޕިޓަލް (އައިޖީއެމްއެޗް)ގެ އިމަރޖއެންސީ ރޫމްގައި ފަރުވާ ދެމުންދަނިކޮށެވެ. އޭނާ ހޮސްޕިޓަލަށް ގެންދެވުނީ ހޯމަ ދުވަހު ކަމަށް ވެސް އެ އޭޖެންސީން ބުންޏެވެ.

މިއީ ކޮވިޑް-19 ޖެހިގެން ރާއްޖެއިން ނިޔާވި 20 ވަނަ މީހާއެވެ. ރާއްޖެއިން މަރުވި މީހުންގެ ތެރޭގައި ގިނައީ އުމުރުން ދުވަސްވީ ދިވެހިންނެވެ.