ބުދަ 30 ސެޕްޓެންބަރ 2020
10 އަތަ
1442 ސަފަރު 12
ފަތިސް 04:41
އިރުއަރާ 05:52
މެންދުރު 12:00
އަސްރު 15:08
އިރުއޮއްސޭ 18:01
އިޝާ 19:12
މޯލްޑިވްސް މެޑިކަލް އެސޯސިއޭޝަން

ކޮވިޑާ ގުޅިގެން އަޅާފައިވާ ފިޔަވަޅުތަކުގެ އެދެވޭ ނަތީޖާ ފެންނަމުންދޭ: މެޑިކަލް އެސޯސިއޭޝަން

  • މި މަސައްކަތުގައި އެންމެން އެކަތިގަނޑަކަށް ވެގެން ކުރިއަށް ދިއުން މުހިއްމު
  • ކުރިއަށް އޮތް ތަނުގައިވެސް ސަރުކާރާއި ރާއްޖޭގެ ސިއްޙީ ދާއިރާއާ ގުޅިގެން މަސައްކަތް ކުރާނެ
  • އެނދުމަތި ކުރެވޭ ބަލި މީހުން ގިނަވުމަކީ ކަނބޮޑުވާން ޖެހޭ ކަމެއް

ކ. މާލެ | 11 އޯގަސްޓް 2020 | އަންގާރަ 00:08 | 3,445

ސާމްޕަލް ނެގުމުގައި ސިއްހީ ހިދުމަތްތެރިން މަސައްކަތްކުރަނީ - ހެލްތު ޕްރޮޓެކްޝަން އެޖެންސީ

ރާއްޖޭގައި ކޮވިޑް-19 ގެ ޙާލަތު އިތުރަށް ގޯސްވިޔަ ނުދިނުމަށް އެކަށީގެންވާ ފިޔަވަޅުތަކެއް އަޅާފައިވާކަމަށް މޯލްޑިވްސް މެޑިކަލް އެސޯސިއޭޝަނުން ބުނެފިއެވެ.

އާދިއްތަ ދުވަހު އެ އެސޯސިއޭޝަނުން ކުރި ޓްވީޓެއްގައި ބުނީ، ކޮވިޑް-19 ގެ ޙާލަތު އިތުރަށް ގޯސްވިޔަނުދީ ހިފެހެއްޓުމަށް ޑޮކްޓަރުންނާއި، ޓެކްނިކަލް އެޑްވައިސަރީ ގްރޫޕް (ޓެގް) ޓީމުން ކުރަމުންދާ މަސައްކަތްތަކުގެ އެދެވޭ ނަތީޖާ ފެންނަމުންދާ ކަމަށެވެ. އެހެން ނަމަވެސް، އަދިވެސް ގިނަ ކަންކަން ކުރަން ހުރިކަން ބަޔާން ކޮށްފައިވެއެވެ.

އޭގެ އިތުރުން، މި މަސައްކަތުގައި އެންމެން އެކަތިގަނޑަކަށް ވެގެން ކުރިއަށް ދިއުން މުހިއްމުކަން ފާހަގަކޮށް އެސޯސިއޭޝަނުން އިތުރަށް ބުނީ، ކުރިއަށް އޮތް ތަނުގައިވެސް ސަރުކާރާއި ރާއްޖޭގެ ސިއްޙީ ދާއިރާއާ ގުޅިގެން އެ މަސައްކަތުގައި ދެމިތިއްބަވާނެ ކަމަށެވެ.

ކޮވިޑަށް ޕޮޒިޓިވް ވާ މީހުންގެ އަދަދު ގިނަވެ، ހަސްފަތާލުގައި އެނދުމަތި ކުރެވޭ ބަލި މީހުން ގިނަވުމަކީ ކަނބޮޑުވާން ޖެހޭ ކަމެއް ކަމަށް ދެކޭ ކަމަށާއި ބަލި ކޮންޓްރޯލް ކުރުމަށް އަޅާފައިވާ ފިޔަވަޅުތައް އިތުރަށް ހަރުދަނާ ކުރުމަށް އިލްތިމާސް ކުރާކަމަށް މެޑިކަލް އެސޯސިއޭޝަނުން މީގެ ކުރިން ބުނެފައިވެއެވެ.

މެޑިކަލް އެސޯސިއޭޝަނުން ވަނީ އާންމު ތަންތަނުގައި މާސްކު އެޅުމާއި އިޖްތިމާއީ ގައި ދުރުކަން ބެހެއްޓުން ހަރުކަށިކޮށް، މިކަންކަން ގާތުން ބަލާ، މިކަންކަމަށް ބޯ ނުލަނބާ މީހުން ފާހަގަކޮށް އެކަންކަން އިސްލާހު ކުރުމަށް ގޮވާލާފައެވެ. އަދި އެކި މުއައްސަސާތަކުންނާއި އާންމު ފަރުދުން ބާއްވަމުންދާ އެއްވުންތައް މަނާކުރުމަށް ވެސް އެދިފައިވެއެވެ.

މޯލްޑިވްސް މެޑިކަލް އެސޯސިއޭޝަނަކީ 2005 ވަނަ އަހަރު ޤާއިމުކޮށްފައިވާ މިނިވަން އެންޖީއޯއެކެވެ.

އެންމެ ފަހުން އަޕްޑޭޓް ކުރީ: 2 މަސް ކުރިން | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.