ކޮވިޑް-19އާ ގުޅިގެން އެޗްޑީސީން ޚިދުމަތް ދޭ ގަޑިއަށް ބަދަލު ގެނެސްފި
ޚިދުމަތްދޭނެ ގަޑިއަކީ ހެނދުނު 9:00ން މެންދުރު 1:00ށް
ހައުސިންގ ޑިވޮލޮޕްމެންޓް ކޯޕަރޭޝަން، ކޮވިޑް-19ގެ ހާލަތުގައި ވެސް ކޮންމެހެން ރައްޔިތުންނަށް ދޭންޖެހޭ ޚިދުމަތްތައް ދިނުމަށް ވަނީ ނިންމާފައި
ކޮވިޑް-19އާ ގުޅިގެން ހައުސިންގ ޑިވޮލޮޕްމެންޓް ކޯޕަރޭޝަން (އެޗްޑީސީ)ން ޚިދުމަތް ދޭ ގަޑިއަށް ބަދަލު ގެނެސްފިއެވެ.
އެޗްޑީސީން ބުނީ ދުނިޔޭގައި ހަލުވިކަމާއެކު ފެތުރެމުންދާ ކޯވިޑް-19 ރޯގާއިން ރައްކާތެރިވުމުގެ ގޮތުން އެ ކޯޕަރޭޝަނުގެ މަސައްކަތްތަކަށް ބަދަލު ގެނެވިފައިވާ ކަމަށެވެ.
އެހެންކަމުން، ކުރިއަށް އޮތް ދުވަސްތަކުގައި ރިސެޕްޝަނުން ޚިދުމަތް ދޭނެ ގަޑިއަކީ ހެނދުނު 9:00ން މެންދުރު 1:00ށް ކަމަށް އެޗްޑީސީން ބުނެއެވެ. އަދި މުއައްޒަފުންގެ ރައްކާތެރިކަމަށާއި ޚިދުމަތް ހޯދުމަށް އަންނަ ރައްޔިތުންގެ ރައްކާތެރިކަމަށް ވެސް އެޗްޑީސީން ވަނީ ގިނަ ފިޔަވަޅުތަކެއް އަޅާފައެވެ.
ކޮވިޑް-19އާ ގުޅިގެން ކޮންމެހެން ރައްޔިތުންނަށް ދޭންޖެހޭ ޚިދުމަތްތައް އެޗްޑީސީން ދަނީ ދެމުންނެވެ. އެގޮތުން މާލެސިޓީ ފުލް ލޮކްޑައުންގައި އޮތް ހާލަތުގައި އޮންލައިންކޮށް ގިނަ ޚިދުމަތްތަކެއް އާންމު ރައްޔިތުންނަށް ފޯރުކޮށްދީފައިވެއެވެ.
