ރަޝިއަން ގަވަރމެންޓް ސްކޮލަރޝިޕަށް ކުރިމަތިލުމުގެ ފުރުސަތު ހުޅުވާލައިފި
6 އޯގަސްޓު 2020 | ބުރާސްފަތި 16:34ކޯސް ފެށުމުގެ ކުރިން ރަޝިއާ ބަސް ކިޔަވައި ދިނުމަށް ވަނީ ހަމަޖެހިފައިވޭ
ގްރެޖުއޭޝަންގެ ރަސްމިއްޔާތެއްގެ ތެރެއިން
ރަޝިއަން ގަވަރމެންޓް ސްކޮލަރޝިޕް 2020ށް ކުރިމަތިލުމުގެ ފުރުސަތު މިނިސްޓްރީ އޮފް ހަޔަރ އެޑިޔުކޭޝަނުން ހުޅުވާލާއިފިއެވެ.
ރަޝިޔާގައި ކުރިއަށްދާ މިކޯހުގެ ލެވަލްއަކީ ބެޗްލަރސް ޑިގްރީ އަދި މާސްޓަރސް ޑިގްރީ އެވެ. ކޯހުގެ ދާއިރާތަކުގެ މަޢުލޫމާތުhttps://future-in-russia.comއިން ލިބެން ހުންނާނެއެވެ.
ހަޔަރ އެޑިޔުކޭޝަނުން ބުނީ ރަޝިއަން ގަވަރމެންޓް ސްކޮލަރޝިޕަށް ހޮވޭ ކެނޑިޑޭޓުގެ ކޯސްފީ ފިޔަވައި އެހެން ހުރިހާ ޚަރަދެއް ހަމަޖައްސަން ޖެހޭނީ ދަރިވަރު އަމިއްލައަށް ކަމަށެވެ.
ނަމަވެސް ތައުލީމު ހާސިލުކުރުމަށް ސަރުކާރުން ނުވަތަ ސަރުކާރު މެދުވެރިވެގެން އެހީ ލިބިފައިވާނަމަ ފުލް ސްކޮލަރޝިޕެއްނަމަ މަދުވެގެން 2 އަހަރު، ޕާޝަލް ސްކޮލަރޝިޕެއްނަމަ މަދުވެގެން 1.5 އަހަރު ލޯނު އެހީއެއްނަމަ މަދުވެގެން 1 އަހަރު ސަރުކާރަށް ޚިދުމަތް ކުރަންޖެހޭ ކަމަށް ހަޔަރ އެޑިޔުކޭޝަނުން ބުނެއެވެ.
ކޯސް ފެށުމުގެ ކުރިން ރަޝިއާ ބަސް ކިޔަވައި ދިނުމަށް ވަނީ ހަމަޖެހިފައިވާ ކަމަށާއި، މި ސްކޮލަރޝިޕަށް ނޮމިނޭޓްކުރާ ދަރިވަރަށް އޮންލައިންކޮށް އެޕްލިކޭޝަން ހުށައެޅުމަށް އަންގާނެ ކަމަށް ހަޔަރ އެޑިޔުކޭޝަނުން ބުނެއެވެ.
ކޯހަށް އެދޭ ކޮންމެ ކެންޑިޑޭޓަކުވެސް ހުށަހަޅަން ޖެހޭނީ އެންމެ ކޯހަކަށްކަން ފާހަގަކޮށް ހަޔަރ އެޑިޔުކޭޝަނުން ބުނީ އެޕްލިކޭޝަން ހުށަހަޅާ ކޯހާއި، ކޯސް ހިންގާ އިންސްޓިޓިއުޓަކީ މޯލްޑިވްސް ކޮލިފިކޭޝަން އޮތޯރިޓީ (އެމް.ކިއު.އޭ) އިން ގަބޫލުކުރާ އިންސްޓިޓިއުޓެއްތޯއާއި، ކޯހެއްތޯ ކަށަވަރު ކުރަންޖެހޭ ކަމަށެވެ.
ހަޔަރ އެޑިޔުކޭޝަނުން ބުނީ 12 އޮގަސްޓް 2020 ވާ ބުދަ ދުވަހުގެ 13:30ގެ ފޯމް ހުށަހަޅަން ޖެހޭ ކަމަށާއި، ފޯމް ހުށަހަޅަން ޖެހޭނީhttps://myedu.egov.mvމިލިންކުން ކަމަށެވެ.
